المملكة تباشرت بالملك طاب

المملكة تباشرت بالملك طاب
لبس ثوب العافية والسلامة
عفاه ربي من عواريض الاسباب
والشكر لله عنه زال الغمامه
وعم الفرح كل المناطق والأقطاب
يوم اسمعوا بث الخبر من اعلامه
الشعب هلل بالفرح والترحاب
وشعشع سناء نوره وزال الظلامه
من حب شعبه حبه الشعب لو غاب
بقلوبهم قدره رفيعن مقامه
غالي وله قيمه وله فضل وحساب
طيبه فرض محبته واحترامه
مصد عنهم فاتح القلب والباب
صقر العروبه والفخر والكرامه
حضن لهم من كل طامع وطلاب
وسرورهم هي غايته واهتمامه
ويا رب تجعل له ذراء منك وحجاب
ويعيش عمره ما يشوف الندامه
ليثن ولد ليثن عريبين الانساب
اجدودهم متوارثين الزعامه
مجات بصوات الجماهير واحزاب
الا بيومن فيه حذف العمامه
وسيفن يقص الروس من فوق الارقاب
راعيه عاصب غترته مع حزامه
عبدالعزيز مهدين روس الاصعاب
اللي بناء مجدن طويلن سنامه
هلل أو كبر ما توانا ولا هاب
مومن أو بالله قوته واعتصامه
اسس قواعدها بعمدان واطناب
الامن والإيمان بناء اخيامه
حكم بشرع الله على الدين وكتاب
ثم زاح عنها الظلم والعدل اقامه
ورفرف علمها جهر في كل مرقاب
وقضاء على كل الفتن والقوامه
وعقب العداوه صاروا اخوان واصحاب
ثم اهتنوا بالعيش عقب انعدامه
وعقبه عياله جوا على النهج قضاب
وفوا أوكفوا بالوفاء والتمامه
ويالله يلي من رجاء منك مخاب
تمدهم بالنصر حتى القيامه