رأس الظبي مابه إعْراش

ياباخلٍ بالطيب والطيب ببْلاش
الطيب ماهو صعب يلليِّ بخيلين
قولة هلا ودلِّه على نار وإفراش
تذكر ولا تذكر كثير الملايين
ماعاش من يبخل على النفس ماعاش
ربه عطاه وعذب النفس بيدين
لو حاش زود المال للمدح ماحاش
للغير يجمع عذب القلب والعين
قال المثل راس الظبي مابه إعْراش
حذراك رفقة ناقص الطيب والدِّين
وماهُو خسارة تدفع المال بالكاش
بالطيب دامِك حيْ وإتعِين حيِّيْن
وإقطع صداقة راعي النم واللاش
والجار بدِّل فِعْلِه الشين بالزين
والصلح لو دونه تعب بعد مطراش
ساهم بتحقيقِه لك الخالق يعين
ومن لِكْ نصح بالخير ماهُوب غشاش
تجهل شماله مدتِه خيربيْمين
النصح وقت ٍفات ماهُوب ببلاش
لكن أنا بهْديه لليِّ بخيلين
فهد الطويان