الصبر والتفوق

وعدي أصبّر عيوني من بعدها
وعدها تطلع من العشر الأوايل
ذاه وعدي (باختصار) وذا وعدها
والثقة متوفره والشك زايل
نجمة الليل المطله من فقدها
شاف بعد افراقها نجم القوايل
مير حددنا الليالي كم عددها
بعده البرهان اخير من الدلايل
شايل هم السنة هاذي وحدها
لا نشدني واحدٍ ويش انت شايل
حر قلبه. يوم جا كبدي بردها
كني أجن الثلج من جمر الفتايل
الطموح اصبح كما الروم بجدسها
غايةٍ وحده لها عدة وسايل
ايتحول قلبها في كف يدها
تكتب وهو يدقق في المسايل
حملها في راسها وان جا ولدها
سمّخ (العلم) انفلق بين الجدايل
من يدوّرها ورا قلبي وجدها
تحتها ضلع وعليها ضلع مايل
بنت من ميزاتها تسوى بلدها
وبنت يستر حالها ماني بقايل
كلمتي هاذي ومن يبغى سندها
بت سبع شهود من سبعة قبايل
والنتيجة لو تجي كلٍ حصدها
مير صعبه دونها التركيز هايل