ديرة الإسلام حنا رجالها

ديرة الاسلام حنا رجالها
دونها الأرواح بعنا بالزهيد
من نواها أو تهقوى جالها
نجدعه للحايمه صيد وكيد
قولنا نقرن بثبت أفعالها
عن حمانا ننثر الدم أبحديد
جيش أبو متعب ترى حلالها
فى حمى القوات له ضرب سديد
ومثل ما ترسى شموخ أجبالها
شعبنا ثابت وميتنا شهيد
شرقنا مع غربنا وشمالها
ونجدنا لك يالجنوب وما نحيد
افهموها يافسق جهالها
ناركم انتم حطبها والجريد
زمرة وحنا زوال أحوالها
بشاية الله نلطم الخشم العنيد
مذهب فاسد.. صنيع أنذالها
غرته بالمال ويفعل ما تريد
لو انتهج له حيلة واحتالها
قايد الطغمه منهاجه بليد
كاسرين شوكته ما طالها
ارضنا لابد تطهر من جديد
درة الدنيا وهذا فالها
ظلها الإسلام والعز المجيد
يا كثر منهو هقا ومانالها
يوم اخو نورة يوحدها ويشيد
درعها الضافي ذراها.. ظلالها
مجدها الحاضر وماضيها التليد
مملكتنا راجحه بأفضالها
بكل ديرة تبذل العيش الرغيد
عبدالعزيز أحمد الفريخ - الخرج