كلنا جندن فداء السعودية

لجل بيت الله وشرعه وقرانه
ناقف بوجه الغزاة العدائيه
ولجل ابو متعب ودولته وإخوانه
كلنا جندن فداء لسعوديه
شعب واحد نحمي الدار وأركانه
وقفتن فيها صمود وفدائيه
كلنا سيفن على الكفر وأعوانه
ما يجي في صفنا مخلف النيه
يا حماة الدار يا نصرة أوطانه
لا تصير الارض مزبن لحوثيه
من يخون أرضه ودينه وجيرانه
أهدروا دمه وفتواي شرعيه
حوثين حده على الموت شيطانه
يحسبن الأرض ما هيب محميه
فارحن بالحرب والحرب خسرانه
خايبن مقصده ميه على ميه
أرضنا بالله وبالدين من صانه
ما تزعزعها جماعات فكريه
في ذراء حكمن على الشرع سيسانه
امة محمد على الحق مهديه
وديننا الاسلام والسلم عنوانه
وفي شئون الغير دوله حياديه
وان دعانا الحرب جينا لميدانه
والعلاقه بالشجاعه حميميه
ارض جو وكل جاهز لنيشانه
خطةٍ ترسم بحنكه سياسيه
وكل خصمن له مقامه وميزانه
والصداقه بالسيادات دوليه
السعودي ربي اللي رفع شانه
حافظن دينه ودولته شرعيه