اللغز

الأسبوع الماضي كان لغز الأسبوع من طرح الشاعر عبدالله عوض الله العوفي من الحناكية والذي يقول:
ويش بنت واقفة وقفة عفافه
في محل صلف والعالم تدله
ما لها رجال بين يا حسافه
كل من جاها ركبها ما تمله
وقد توصل للحل من الشعراء:
مرحبا باللغز من بيطار حافه
واعتقد الحل حاجه مضمحله
قامة البير مغروزه في حوافه
والمحاله فوقها للما مطله
سلمان سعد الحربي، عنيزة
مرحبا باللي لفى فكري لقافه
المشقى للمعاني فاطنله
المقامه فوق بير ما تخافه
والرشاء من فوقها الفاطر تتله
سليمان بن إبراهيم الفرحان، رياض الخبراء
ياللي جبت اللغز واضح من وصافه
كل حرف يوم صفته جا محله
المقامه بالموارد والدلي فيها كلافه
والدلو لا بان له رحل يتله
علي رشيد الرشيد، رياض الخبراء
مرحبا بك عد ما خط بصحافه
وانت بالصمان والمارد تدله
المقامه من يمر البير شافه
ومن ورد للبير بالرشاء يتله
محمد بن عبدالرحمن أبو دحيم، البدائع
كما توصل للحل نثراً:
فرحان سعد الممرط - حائل، فهيد راضي العنزي - عرعر، لفا عواد المطيري - الرياض، نادر سعيد العتيبي - الرياض.
لغز الأسبوع
كتبه للصفحة الشاعر باني فايز السبيعي من الأحساء ويقول:
ويش ورع عمر روحه قصيره
في حياته يغلي أمه ويرفع قدرها
الضروس اثنا عشر نزع واحد من شمام
في بطن أمه نشا ولا رضع من صدرها
نستقبل الحلول على الفاكس (4871070)
أو الايميل rb-khozama@alriyadh.com مع ملاحظة الايميل صحيحاً كما نرحب بطرح الألغاز الجديدة.