انجى محمد والشرور معثوره

الله كريم ويظهر الحق والنور
لاغاب دور الخلق ماغاب دوره
اللي كفانا من هل الشر بالدور
وانجى محمد والشرور معثوره
مساعد وزير الداخليه هو السور
وهو الذي تفخر به اخوان نوره
اقرب مثل جاه اللي إبغيظ مقهور
وبأمر الله المعبود راح بدبوره
من حسن نيه قال خلوه ماجور
لاصار نادم لاتزودون جوره
لكن ربي حط من دونه جسور
وسور ٍ من الرحمه تساوت جسوره
ياسيدي يامحمد الوضع مخبور
لناجح محارب وذيك مخبوره
وانت الفخر والعز والجود والنور
وانت المقام اللي يبشر بشوره
انهيتهم من ساسهم مالهم دور
لو كونوا لجلك ثمانين ثوره
وهذي فعول اللي على الحق منصور
منجيه من يشرق على الخلق نوره
وسلامتك ياسيدي خير وسرور
ونفداك بالارواح في كل ثوره