طاري الجيا!!!

يا طالب الود ودي فيك لو ودي
يأتي على الكيف لكن كيف يتهيا
لأني قبل لا يدق القلب لك يدي
مديتها يمكم بس الزمن عيا
واليوم جيت بحروف الحب متحدي
ولا أدري وش اللي وراك ودونك مهيا
يا شين تكفي تعال أعطيك من مدي
مشاعر فيك ما تطمن بها النيا
تعال يمي وبيح للهوى سدي
وأعطيك مفتاح قلب يفوح حنيا
أرجوك يكفي جفاك لحي متردي
في غيبتك عنه خطر يموت منسيا
أقل الأحوال طالع بالنظر هدي
واقرأ أنا من عيونك طاري الجيا
كل الهواجيس فيك تجيب وتودي
وأنا تحت نارها محروق منيا
كأنك تبيني فأنا ما نيب متعدي
لكن بوضح النقا ما هيب بالفيا
نافع مفرح البشري