أكثر العمر

لا ما تكاثرت قولة «عيدك مبارك»
شاب أول العيد عقب الراس شيبته
لا من ذكرتك .. ردعني طول مشوارك
ما كني اللي عليك الساق تعبته
إن كان بتصد لا تترك لي آثارك
تدفن وراك البذور وتنبت النبته
كان الخطر منك قبل اليوم متدارك
لو الأحاسيس مكلومة ومنكبتة
قللت مقداري و علّيت مقدارك
ما قلت يلقى الأحد من جاني بسبته
لكن تماديت فالفاظك وفافكارك
وجبت أصغر العذر لأكبر جرح سببته
يوم أكثر العمر عدّى جبت معذارك ،
وراك يوم إن تو العمر ما جبته؟