طلايع هل التوحيد

عن الدار واهل الدار وملوكها الاخيار
نسوق العمار بكل روح وفدائية
رهن أمر من امره علينا كبار صغار
وهيباتنا تخضع لهيبته طوعيّه
عن حدودها نحد الخطر عبر كل اصدار
بمنظومة الشعب وقياده حديديّه
ندير الأمور بكل حنكه ولانندار
وللمنطقه قدنا بضبط انفعاليّه
نشب السما ونزلزل الأرض والابحار
على الجبهه جنود وجنود إكترونيّه
سلالة أبو بكر وعمر شعبنا المختار
على نهجهم نقدم برؤيه حضاريّه
هذي روح الامه مهبط الوحي والانوار
على ارضها التاريخ تسمر لياليّه
وهي مركز الاحسان بالبذل والاعمار
بحملات أغاثه برّ وجسور جويّه
إليها الامر يرجع إذا اهتزت الأقطار
وذخر العروبة لا اضرس الوقت برحيّه
هذي أمّنا فيها نعيش ونموت احرار
ومن أجلها للموت لذّه حقيقيّه
أمانه ورثناها من جدودنا الابرار
هم اللي بنوها تضحيات وتفانيّه
معذينها مادنس اترابها استعمار
على اترابها خطّوا ملاحم بطوليّه
بنتها سواعدنا بهمّه جدار جدار
يدً تبني وعينٍ على الحدّ دوريّه
تحت ظل سلمان الحزم وابنه المغوار
وحنا دروع صدورهم ساعة الهيّه
إلى من دعانا كلنا سيفه البتار
من اقصى الجنوب اليا الحدود الشماليّه
بيمناه الى منّا وقفنا سَطَرْ واسْطار
سيوف اشمخّرت وسط عرضه سعوديّه
عن اترابها الطاهر وعن غيمها المدرار
على أهبة استعداد واعلى الجهوزيّه
نجي كلنا رجال واحد بشكل إعصار
نزيل لدول وشعوب عن وجه الارضيّه
عوض سلامة العنزي