سور البلاد

اول كلامي قول لا إله إلا الله
رب العباد الواحد القهار
الواحد المعبود الفرد الصمد
منجي خليله من لهيب النار
واثني كلامي بالصلاة على النبي
اعداد ما هل السحاب امطار
المهدي الهادي وديع الرساله
اللي بنوره نور الامصار
والثالثة يا الله تعز ملوكنا
سور البلاد ومكرمين الجار
الله يحفظ درعنا أبو فيصل
هو المليك وهو أبونا البار
زعيمنا بين الدول نفتخر به
زعيم شعب وفارس مغوار
حكم بشرع الله وما أنزل كتابه
وسنة نبيه صفوة الاخيار
وولي عهده أميرنا أبو متعب
امين عهده وسيفه البتار
هو نايب الدوله وهو رئيس الحرس
قايد كتايبنا صليب الشار
وسلطان وزير الجيش في البر والبحر
يوم الوغى ياطأ به الاخطار
ونايف وزير الداخليه وامنها
قوي باس ووافي الاشبار
ملوك الجزيرة شجرة أولاد مقرن
من الأسرة اللي كل ابوها أحرار
صواريم سنجار ليا عكر الصفا
لا صار من فوق العجاج غبار
عزيمتهم العليا وهمتهم العلا
وفي عيونهم تصير الكبار صغار
الله موليهم على الارض والبشر
عطى واحد لا من عطى ما شار
الله يثبتهم ويثبت ملكهم
آمين قولوا آمين يا الحضار
ونجدد لهم العهد ونعلن لهم الولاء
من قلب واحد كبارنا وصغار
والله ينصرهم بنصر موزر
وانه لينصرهم على الاشرار
الشله اللي ضلت الدرب والهدى
وراحت علانا أعوان للكفار
ويا للاسف فيهم من أبناء وطنا
اللي عطتهم خيرها المدرار
لكن نسيوها ونسيوا جميلها
وما اشنع مجازاة الجميل انكار
يخربون الدور ويقتلون البشر
مدمرة اعقولهم دمار
والمملكه بامر الله وراها اسودها
لا نامت الأعين فهم سهار
هم اسودها وهم امنها وهم جنودها
يا نعم بالمامور والامار
غيورين على الدين والعرض والوطن
ليا خان من طاع العميل وبار
يخاطبون بالسلم والخير والشر
وليا عصى آخر خطاب النار
بقبس شهابات توقع بروسهم
شهابات قبس للعمار دمار
ومتى ما أمرتونا فحنا جنودكم
تحت أمركم عند الطلب حضار
وهذا تعبيري عن اهل الفيضه
وذا شعرنا من جملة الاشعار