هذا هو النادر على الصيد هدّه ينومس اللي ضاريٍ بالهدادي

الطير طيره لا تجونه وخلوه
يدربه قبل القنص ثم يراعيه
الحر عنده كانكم ما عرفتوه
لا صاد صيده ينهشه قبل يعطيه
في صورة خزامى تبيّن وشفتوه
ثم اذكروا الله وادعو الله يخليه
سليمان بن عبدالعزيز السنيدي - الرياض
هذا هو النادر على الصيد هدّه
ينومس اللي ضاريٍ بالهدادي
ويفرح بشوفه بين مدّه.. ومدّه
الشامخ اللي طير ما هو بعادي
سالم الدوسري - الرياض
الهيثم توه على التدريب في ماده
رف بجناحه مهوي والصيده وراه
صقار متعود على القنص وله عاده
في جو بعيد وخالي ولا يسمع نداه
مجود حبله والطير حوله يبي زاده
وأخاف الطير يحلق يشلع في سماه
حمد عبدالله الوايلي - حوطة سدير
اللي يشوف الصقر لازم يعزّه
مع النشامى وسط ذيك الصحاري
ومدرّبه لا شاف صيدٍ يكزّه
وما قدر المولى على العبد جاري
سعد السالم - الطائف
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد