سلّم على اللي صوّر الخير تصوير في صفحة «خزامى» تزيد بجماله

يا زين شوف الما على وجه الصخور
خص ليا صار لون الذهب في منظره
متلونه والنبت باين يعطيك السرور
منظر بديع يبهج اللي شايفه يخبره
ياما حلى الجلسه على جاله بكور
مير البلى من ياصله.. من يعبره
ما تاصله كل الهقاوي.. كود الطيور
مالك غير الصوّر.. غير إنك تسبره
حمد عبدالله الوايلي - حوطة سدير
منظر بديع فيه ألوان.. وأزهار
طبيعةٍ يا زينها.. من طبيعه
أرض الوطن أرض الكرم نسل الأحرار
في قلوبنا تزهر.. ويحلى ربيعه
نورة الفاضل - بريدة
شُوفوا جمال الميّ في عُمق الحيود
باعماقها يطلع نباتات.. وزهور
الما حياة الكل وسِر الوجود
يا كثر ما اصلح وجوده مِنْ أمور
ويالله يا مِنْ لا بِخِل غيرك تجود
بغيثٍ على ديارنا وأمن وسرور
سعود عائش الحربي - جدة
سلّم على اللي صوّر الخير تصوير
في صفحة «خزامى» تزيد بجماله
شوفة مجاري السيل ذا منظر غير
وقت الوسم والناس تتبع خياله
يا زين مكشاته إلا غرّد الطير
بين الربيع .. وبين نبته لحاله
سليمان بن عبدالعزيز السنيدي - الرياض
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد