راعي الربابه ماسكٍ في الربابه البرد شين وقوته في هبوبه

عِشق الربابه ما نسوها مع الغير
رَغم الثلوج وبرد ولِبسٍ ثِقيل
والمملكه مِنْ وسعها طَقسها غير
وجامعه كل التراث الجميل
يالله عسى ارض الحرم عِز مع خير
ومِكانها بين العوالم طِويل
سعود عائش الحربي- جدة
جر الربابه فوق سفح الجليدي
أطرب لك ربوعٍ وشاهد لك ثلوج
علمهم إن جسمك يشابه حديدي
وإنك على جو الشتا منت مزعوج
خالد بن ناصر المخيمر - روضة سدير
راعي الربابه ماسكٍ في الربابه
البرد شين وقوته في هبوبه
الثلج ينزل من سماه وسحابه
يا أهل الثلاثه جوكم له صعوبه
هذي تبوك الورد فيها شعابه
في هالسنه شفنا ثلوج وشبوبه
وفوق الجبال معانقين ضبابه
طبيعة الخالق تراها محسوبه
حمد عبدالله الوايلي - حوطة سدير
أحب أنا شوف الطبيعه والأصحاب
في موقعٍ فيه البروده تزودي
أوقف لنا صوت الربابه مع أحباب
في جلسةٍ يا رب ما هي تعودي
سعد السالم - الطائف
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد (عدسة - ماجد المعيلي)