يا وطنا نحتفل فيك ونقبل ثراك

بالولاء نرفع له التهنئة ومعياده
لو تروح ارقابنا ما نساوم في غلاك
من على الجدان هاذي طبيعة سايده
وقفتنا من ماضي الوقت وأنت في صباك
خل عاد اليوم كلن على عوايده
والله أنا فدوة لك وناقف في حماك
يا عسى ربي يعزه ويحفظ قايده
المليك اللي بالأمجاد ما يلحق مداك
سيدي سلمان راع الفعول الكايده
ويا ولي العهد حنا يدانا في يداك
أبشر أنا معك في كل شيء رايده
حاكما تخضع لك أملوك وتوقف وراك
ودها لكنها عنك جات محايده
هيبتك خلت بعضهم يجي فيه ارتباك
الطموح بعيد والفعل شف جدايده
رؤيتك خلت وطنا يحلق في سماك
خلته من قو عزمك يشوف الفايدة
يا عسى ربي يعزك بعزه ويحماك
ويحفظك من كل حاسد ومن مكايده..