الحظ لامنه عطاك ابتسامة تبي تنال الغاية وكل مقصود

كتب لغز الأسبوع الماضي الشاعر سعود ثواب سليم المطيري من القصيم والذي يقول:
انشدك عن رجال طيب مقامه
أن قام والا لا قعد مابه الفود
مع صاحبه لا زان حقق مرامه
وان شان معه يخسره كل مجهود
وكانت الرمعات لابأس بها ويشكرون على متابعتهم وحرصهم:
يابو ثواب اللغز واضح علامه
الحظ يطرد كل ايامك السود
ولاقام ابشر بكل يوم سلامه
رزق الولي لاجاك تر ماله حدود
حمد عبدالله الوايلي - حوطة سدير
طيب مقام اسعود وطيب كلامه
واللغز وارد والجماعة له اشهود
الحظ حله للموفق علامة
يا حظ من حظه على العز موجود
علي الرشيد - رياض الخبراء
هذاك نسمع في القصايد عَلامِه
قصايدٍ تروى عن آباء وجدود
الحظّ كوده ينتبه من منامه
ويساعده حظٍّ يباريه بالجود
محمد مقحم المقحم-الرياض
ياشاعرن دايم جزيلن كلامه
ذي رمعتي ياسعود والحل ماكود
الحظ لامنه عطاك ابتسامه
تبي تنال الغايه وكل مقصود
منير مذكر متعب العضياني
ياسعود هذا الحظ مدري علامة
الله يزين حظي اليوم ياسعود
يارب طالبك العفو والسلامة
افرج على قلب من الهم ملهود
عبدالله السياري- الرياض
لغز الأسبوع
كتبه للصفحة الشاعر منير مذكر متعب العضياني ويقول:
ياويش عذرا بالوصايف صغيره
لو سيق فيها المال محدن ملكها
تسحب رسنها كل وقتن بديره
وان ادبرت ياصاح كل تركها
نستقبل الحلول خلال «ثلاثة أيام» من نشر اللغز على إيميل الصفحة:
rb-khozama@alriyadh.com