صمت الحمامه

طبع الحمامه تجر الصوت وتغني
وانتي حمامه واشوف الصمت لك عاده
دامك على الغصن والاحساس يسكني
وش داعي الصمت والاشواق منقاده
لا تنتحي بالخيال وتبتعد عني
خلك معي والحديث الحب ميعاده
تراك نور العيون وقطعة مني
وافوادي اللي ورى الصدر أنته أفواده
احب منك الهروج وضحكة السني
الهرج متعه وراع الصمت وش فاده
اللي عطاك الحنان لهرجتك حني
يرسم على ضحكتك تاريخ ميلاده
والشعر يوم انثره من حرفي الفني
تراه تقديم قلبي فيك واعداده
فيك ارتبط مثل ربط الهيل بالبني
يعيش لا قيل فيك ويخذ أبعاده
انته ملاك الجمال ومن ورى ظني
وانت القمر وانت فجر الورد واعياده
قبل امس احبك نعم واجد ولكني
اليوم احبك واحبك بكره أزياده
خالد البقمي