يارجم كنت أطرِب لشوفتك وأجيك

واليوم مدري ليش ماوِدّي أرقاك
أجيك أبشكي لوعة الوقت وأوْحِيك
وأنشدك يارجم الغرابيل من جاك
وأنزل وانا قيّس والّد النظر فيك
وأقول يارجم الهواجيس ما أغلاك
العام ذكرايه براسك وأعدّيك
واليوم أشوف الوقت ماهُو كما ذاك
اثر الزمان يْدُور بالوع مغليك
حتى السحاب أشوف مِزنه تعدّاك
يا رجم لا تِشْره على قاف راقبك
لعل ناصيني من الوقت ينصاك
لو إن فيك اللّي يسدّك ومنهيك
لكن بلْوَايه عظيمة لبلواك
شعر: محمد الروقي