يهتف لك الشعب يامحمد ويدعي لك ومبايعينك على السمع وعلى الطاعه

زاوية بيت وصدى هذا الاسبوع استثنائية تزامنا مع ذكرى تولي صاحب السمو الملكي الأمير محمد بن سلمان ولاية العهد وبهذه المناسبة يطرح معد هذه الزاوية هذا البيت:
يهتف لك الشعب يامحمد ويدعي لك
ومبايعينك على السمع وعلى الطاعه
وكان صدى البيت من الشعراء رائعا كروعة المناسبة:
سلام مني بكبر طموح يطري لك
لك يامحمد عدد مادارت الساعه
سر والوفا مننا بالحب نهدي لك
يانجل سلمان والبيرق مع شراعه
انت المحنك والسياسه كلها تدني لك
عليك من وصف الإمام اللي طويل ذراعه
حمد عبدالله الوايلي - حوطة سدير
يامحمد الشعب يدعيلك ويهّدي لك
حب الوطن والملك فالقلب مرباعه
الله عطاك السياسه وانت تحمي لك
قادات واشعوب فالروّيا لها صناعه
فكرك ورايك على الامجاد يبدي لك
ايّنافس العالم الراقي على أبداعه
مشعل بن صنت العصيمي- الخرج
رفعت راس الوطن في حسن تمثيلك
شعبك معك وما طلبته دوم سماعه
في مافعلته نشوف الكل يرجي لك
ياشهم يابن الشهم والعز بطباعه
ياداحر الضد يومك قلت ياويلك
وانهيت منهم بدار العز طماعه
محمد بن عبد العزيز الخنيفر - أشيقر
ولك نرفع اجزل تحايانا ونهديلك
ونطلب لك الله توفيقه بكل ساعه
لك الولا مننا وبالفعل نحكيلك
والشعر في مثلكم مرفوع ن شراعه
صالح البشري - الرياض
ولي عهد الملك يامسرج خيلك
البيعه الرابعه ساعه ورى ساعه
فيها مشاريع من رأيك وتمويلك
والحمد لله بلدنا تبهر اوضاعه
ولي عهد الملك يانافل جيلك
اللي من الجَدّ ياخذ مُعظم اطباعه
صالح بن إبراهيم المرشود - الرياض
عهد علينا يبوسلمان نافي لك
بالعسر واليسر والاحداث جماعه
بارقابنا بيعة تاصلك وتجي لك
وحنا الوفا طبعنا ياسيدي راعه
نخدم وطنا بتوجيهك وتفصيلك
وفي رؤيتك كل شعبك زانت اسناعه
رجا بن عادي بن رمال - الرياض
المملكه فيك فرحانه تغني لك
وحنا معاها نردد سمع ن وطاعه
الله يديمك لشعبك باذل حيلك
تفتح مشاريع واستثمار بانواعه
يهناك شعبك يبوسلمان من جيلك
والشعب تهناه يوم تدعم ابداعه
علي مونس بن جدي - الرياض
وعلى قافية اختلفت قليلا في صدر البيت:
يا محمد الصيرمي والعزّ يهنالك
خمسة عوامٍ مضت ع الدار طلاعه
انته لنا يا ولي العهد واحنا لك
يبادلك شعبك المرموق بالطاعه
يامن رقيت الفخر والفخر يرقالك
لبيك يا سيدي لو قلت في ساعه
من اول ايام تنصيبك فرحنا لك
وان كان ناديتنا بالضيق فزاعه
محمد عبدالله الشهري - أبها
حييت امير الفخر والمجد بافعالك
رفعت راس الوطن في عز وشجاعه
انت فخرنا واملنا بقمة ابداعك
صار الوطن شامخ بزين ارتفاعه
ريان بن محمد الخنيفر