هذا ولي العهد للحاكم احزام رايه صويب مع كمال الرزانه

بيت الأسبوع كتبه محرر الزاوية حول تصريح صاحب السمو الملكي الأمير محمد بن سلمان ولي العهد نائب رئيس مجلس الوزراء وزير الدفاع في حواره مع بلومبيرغ، والبيت يقول:
في موقفه صرح على كل الاعلام
موقف بطل فحوى الكلام وبيانه
وكان صدى البيت من الشعراء:
عنده طُرق فن التحدث والالمام
بكل القضايا والجواب برصانه
مآخذ علومه من تعاليم الاسلام
ولى من حكى يصبح لهرجه مكانه
واثق وله حنكه وحكمه وإقدام
يحكي الصدق ولاتّعقّد لسانه
مبروك بن سالم بن ماضي - الرياض
وصل حواره في تصاريف واحكام
لين اقتنع خصمه بقوة بيانه
هذا ولي العهد للحاكم احزام
رايه صويب مع كمال الرزانة
في ظل قادتنا مناعير واحشام
بديارنا نلقى امان وامانة
علي الرشيد - رياض الخبراء
ياسيدي تسلم على طول الاعوام
ويسلم لنا شيخ قوي بيانه
لانه ارتكى للغرب ماهوب ينلام
من جل البلد وكلمته في مكانه
الكلمه اللي رجحت كل الاحلام
سمع السوال ورافضه في بنانه
خليف فهيد الحربي - الرياض
هذا محمد ابيض الوجه مقدام
قايد ومسرج باللوازم حصانه
خلا علوج الفرس في وقته اقزام
قوم ٍ مشت بالكذب وايضا الخيانه
حفيد معزي راع ِ الطيب ضرغام
وجده راكان العود رجّع زمانه
عبدالكريم إبراهيم الخزيم
هذا محمد طيب الذكر ضرغام
اوقف نفوس المكر واهل الخيانه
للمعتدي سم ن ولدارنا حزام
واللي يخون الدار يقطع لسانه
واهل الخيانه مالها غير الاعدام
ومن خان دار العز ماهو مكانه
محمد بن عبدالعزيز الخنيفر- أشيقر
قال الكلام اللي يغيض اهل الاخصام
من العدا والا من اهل الخيانة
يبقى لنا هيبة على دين الاسلام
تسلم يمينه وما نطق به لسانه
خلا اهل الكذب تصبح أقزام
واللي يحب الصدق نقول عانه
صالح محمد محارب البشري - الرياض
ورده صريح واضح جاب الاحلام
حط الحروف البيض مصدرمكانه
واللي يجيب العلم ثم يسمع ترام
اسمع ابوسلمان يصهل حصانه
تبقى الملوك ملوك والباقي اقزام
وفي ظل سلمان العروبه حصانه
من عاش في تمثيل اودبلج افلام
في قول ابوسلمان يخرس لسانه
حمد عبدالله الوايلي - حوطة سدير
صَرّح ولي العهد من عرف والّمام
تصريح يلجم من تطاول لسانه
على بلاد المملكه عز الإسلام
صدى كلامه فيه درس وحصانه
لاهل الفكر والراي سادات الاقلام
عنوان حق ويقتبس من كيانه
مشعل بن صنت العصيمي - الخرج
ذي دارنا دار الفخر دار الاسلام
ياعزتي للي يخون الامانه
جانا محمد بجيته حظنا قام
قضى على المفسد واخرس لسانه
انشهد انه عز والشهم مقدام
واللي مشى بالشر يلقى الاهانه
ريان بن محمد الخنيفر - أشيقر
وعلى وزن آخر
موقف بطل فيه بلاغة الكلام
عاش الوطن عالي وحنا بنيانه
وحنا عمدان الوطن ليامنه قام
على كتوفنا و زنودنا ثقل عمدانه
وطن غالي لا يباع ولا يسام
يبقا عالي وارواحنا فدى اركانه
فيصل بن سعود بن صقر
بيت الأسبوع
كتبه للصفحة الشاعر حمد عبدالله الوايلي من حوطة سدير حول دخول الوسم وانتظار الناس له، ويقول البيت:
يالله بوسم وافي في خياله
من الجنوب اليا حدود الشمالي
نستقبل صدى هذا البيت بثلاثة أبيات تدور حول هذا الموضوع، وخلال أربعة أيام من نشر البيت.
على الإيميل: rb-khozama@alriyadh.com
Your browser does not support the video tag.