اللي جسر يرمي الكعبه بصاروخه عز الله انه عدو الدين والمله

بيت وصدى

كان بيت الاسبوع للشاعر عبدالله مطير الحمدان من حايل حول موضوع إرسال الحوثيين صاروخاً للمقدسات الإسلامية ولم يتورعوا عن ذلك والبيت يقول:
اللي جسر يرمي الكعبه بصاروخه
عز الله انه عدو الدين والمله
وكان صدى البيت من الشعراء:
طريقة كلها قذرة وموسوخه
عمايل أصلها نذله ومنحله
واللي نوى البيت مرجوج بنافوخه
ما حاش غير الخسارة بعدها ذله
صارت علوم الرجولة منه مسلوخه
كل شجب فعلته والغدر طبع له
الله حمى البيت من أنجاس مدلوخه
والله يريده بشر النار مثوى له
علي الرشيد - رياض الخبراء
الحوثي النجس قام يوجهْ فروخه
ترمي على مكه الصاروخ من غلّه
لكن من دونها القادات بالجوخه
وايضا دفاعاتنا والجيش اله سله
في سلته للعدو هامات مطنوخه
لا كَبّرت هللت ما تعرف الذله
عقيدته وحّدَه مهيب مشروخه
وحنا حمات الوطن والدين يالعله
مشعل بن صنت العصيمي - الخرج
ناسن بلا احلام عبر ايران منفوخه
اللي يبيه الخميني صعب ياصل له
الحوثي اللي توهق لا بسن جوخه
يقول هذا الحرم بروح وأحتله
اللي يدينه بدم الشعب ملطوخه
ابنقهرة في حياته مابرد غله
وعفاش من خلعته مسكين به دوخه
من ماحصله ترى المسكين به خله
سعد صنهات السهلي - الدرعية
يالله عساه المرض ثم عقبه الدوخه
ويالله عساه من عله لياعله
المجرم الي يهدد ويرسل شروخه
ماهوب يمه ويم الدين لابله
وان شفت قوله والعبارات منسوخه
لاكن فعله يهودي مبطي سله
تقصر يدينه ودونه عندنا نوخه
ماهمنا لوتجمع شرذمة شله
حمد عبدالله الوايلي - حوطة سدير
افعال حوثي دايم دوم مفضوخه
والله كشف سركم للباري المنه
انتم ومخلوعكم وجبات مطبوخه
وياشينها اليوم فاحت ريحها صنه
شيمتكم خيانه وبانت ومسلوخه
وحنا هل الدين واعطينا بلا منه
ومن قبلكم ابرهه بالفيل وشيوخه
والله حماها بابابيل لها رنه
علي بن سعد بن هتلان - الرياض
أبو فهد خلفهم في عز وشموخه
هذا ملكنا وكل الشعب في ظله
يالله عسى المعتدي في نار مطبوخه
وفي ظرف لحظه نزيله ثمن نفله
و المعتدي ماله الا ضرب يافوخه
يالله عساه المرض وينصاب بالعله
وبلادنا ما تحب نفوس موسوخه
مكانها ماخفى معروف وندله
محمد عبد العزيز الخنيفر - أشيقر
ياوالله إنه كلب والفكر موسوخه
خنزير وانجس من الفاره عدو الله
عسى عظامه تناثر في قعر كوخه
من قاصفه غاضبه تقليه وتفله
يمسي حمار العجم كالعنز مسلوخه
في وسط غاره يذوق الويل بإذن الله
ياعبد طهران والمخلوع وفروخه
دون الحرم عاصفه وسيوف منسله
علي الزولاني الفيفي- بيشه
الحرب بانت على المكشوف وفروخه
هو ضد الاسلام يا يا مصدق الشله
حنا وطينا على وجهه ونافوخه
مفلس وخسران والأفكار مختله
البيت باذن الولي له جند وشيوخه
يصعب على اذناب بن طهران تاصله
دونه هل الحزم واللي يلبس الجوخه
الموت من دون بيت الله لنا فله
صالح البشري - الرياض
دار الحرم ضد كل عقول مشروخه
ومن خانها ياعسى ينصاب بالعله
فكر بغيره عساك السل والدوخه
هذي عقول غزتنا اليوم منحله
هذي نفوس خبث بالشر منفوخه
فيها على الدار حقد و شر مع غله
يالله عساها بنيران ومطبوخه
نار تلظى عساها داخل المله
ريان محمد الخنيفر - الرياض
بيت الاسبوع
كتبه للصفحة الشاعر عبدالكريم ابن خزيّم من البكيرية ويقول:
الخير فاتك يامفوّت صلاتك
خص الفجر لا تسهر الليل لوطال
نستقبل صدى هذا البيت بأربعة أبيات حتى يوم الاربعاء القادم ويفضل الإرسال عبر الإيميل:
rb-khozama@alriyadh.com