حرٍّ مبرقع وأكملوه بتراخيص له هدّةٍ جزلة.. وله ماكرٍ خاص

عزّام يا حسره على منظر الطير
محبوس في وكره ونقول خيره
مافيه صيدٍ يوجب الهدّ والسير
خلّه امبرقع لا يشوف الحسيره
طيرك تعوّد يجلب الصيد ويغير
عندي نصيحه للقلوب البصيره
لاعاد به دوجه ولا القول تبرير
اخلوا سبيل الطير يلقى مسيره
حمد عبدالله الوايلي - حوطة سدير
يوم النشاما جهزوا للمقانيص
اغراضهم معهم من العام والخاص
الجوّ ممتازٍ ولا فيه تنغيص
والطير متجهز كما وقفة ارباص
حرٍّ مبرقع وأكملوه بتراخيص
له هدّةٍ جزلة .. وله ماكرٍ خاص
علي الرشيد - رياض الخبراء
أنا على هالحال مانيب مسرور
أنا حبيسٍ لكن القلب مذهول
ياليت منهو يالربع شاهد النور
يامن يرد الصوت ثم يسمع القول
ماهو بكيفي لكن اليوم مجبور
يا صاحبي فعلك معي غير مقبول
مواقفي ماهي خفيه ومخبور
انت حبيبٍ لكن الفكر مشغول
محمد عبدالعزيز الخنيفر - أشيقر
يامبرقعين الصقر حان الهدادي
خلّوه يكفخ بالجناحين ويطير
وإن هاجم طيور الحباري فعادي
عوايده دايم قناصه مع الطير
ويالله في وسمي على كل وادي
يعمّ سيله في نهارن مطير
محمد عبدالله الشهري - جبل أثرب
طير السعد في مقدم البيت تلقاه
له هيبةٍ يا صاحبي مالها حد
يفخر به القنّاص من فوق يمناه
وقت القنص اللي به العين تسعد
لا شاف زولٍ للحباري تقفّاه
وجاب السمينه ماهو عنها يتصدد
خالد ناصر المخيمر - روضة سدير
طيرٍ شِوَارِيه مِنوة كل صقَّار
والفصل لامن شلع حزَّة هداده
والطير فوق الوكر وأهله حول النار
في رقرقٍ جلسته دايم لهم عاده
والطير له هيبته بالأرض وإن طار
وليا شلع بأمر ربه جاب له زاد
وطرافة قنص الخلا من عقب الأمطار
إنشد عنه من طوال العمر يرتاده
سعود عائش الحربي - جدة
الحرّ يفكر ليتهم يطلقونه
يبي يشوف النور منهو يراعيه
تكفون شوفوا حل ماترحمونه
أنا أشهد إنه غالي الكل يغليه
شهامةٍ بالصيد ما تجهلونه
لامن نوى له صيدةٍ ما يخليه
الحرّ حرٍّ ولا يعرف المهونه
غالي علينا طيباتٍ مجانيه
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق