هذا زعيم وعالمي من يباريه

كثر الكلام وقالوا الناس وشفيه
كاس آسيا مطلوب وأرضه بعيده
ملاعب اليابان بالحيل تغليه
ودونه رجال بالملاقا تريده
هاج البحر والخلق خافوا شواطيه
وكل يخاف من الرياح العنيده
جاه الهلال وقال ما نيب شاريه
ملكي ومن قرب له أقطع وريده
هذا زعيم وعالمي من يباريه
يخسر ويتعب والتعب ما يفيده
غصب أشيله غصب كل يراعيه
يسكن بدار العز دار جديده
نهديه للعاهل وبالروح نفديه
الكل يفرح والليالي سعيده
ويعيش أبو سلمان كل الأمل فيه
قول وفعل بالليالي الشديده
ويسلم بن نافل خذ الكاس بيديه
وعد ووفى قال أجيبه بجيده
نشكر جماهير الوفا اللي تماشيه
في كل ديرة والعلاقة وطيده