أنا سعودي وأفتخر يا المغرضين وحنا لها يوم الوغى له كتامه يوم أشهب البارود بصدر المعادين وغبارها حد الجنوبي عسامه أبوفهد قيدوم كل السلاطين الله يطول عمره أعوام عامه سلمان هز السيف طاحت شياطين السيف الأجرب ورث جد وعمامه وهذا ولي عهده محمد ملا العين بفعله وقوله هيبته واحترامه مع رؤيته عشرين معها ثلاثين خطه رسمها بالأمل والسلامه عمار يادار السعود الميامين عمار يادار الشرف والكرامه أنتِ صنعتي المجد والمجد لك عين وانتِ عرين الأسد وأهل الشهامه يادار رزي بيرق العز والدين بيرق هل التوحيد أكبر علامه دار الملوك ودار خيل وسلاطين دار الأسود ودار حكم وزعامه يوم الوطن من عام (واحد وخمسين) الله يديم العز أمن وسلامه أنتِ سنام المجد فوق البلادين وحنا حماة البيت والبيت شامه يوم الوطن بالحيل ثماني وثمانين الله يظللنا الأمن كالغمامه عمار يا دار الوفاء والمحبين ديرة هل التوحيد وأيضا الزعامه.. حمد الدعيج (نديم كميت) Your browser does not support the video tag.
