كل عام وأنت بخير وأمن وسلامه..يقولها لك شعبٍ وافي ومقدام

يااللي بذكر الله معطر كلامه
دستورك القرآن في كل الأحكام
شعارك التوحيد عز وكرامه
مرادك السنة وتحقيق الاسلام
من قلب شعبٍ صام شهره وقامه
يدعي لك الله تالي الليل لاقام
وده يترجم لك عظيم اهتمامه
تسابق اوراق التهاني والاقلام
كل عام وانت بخير وامن وسلامه
يقولها لك شعبٍ وافي ومقدام
وعلى ولي العهد ينعاد عامه
باليمن والخيرات عام ٍ وراء عام
سلمان راعي الشور حنكة وقامه
بصمات وقفاته مواقيف حكام
أصيل يفرض من وفاه إحترامه
مالدته سود الليالي والايام
ياخادم البيتين فخر وزعامه
طيبك سبق والعز حاضر وقدام
مثلك يابو متعب عزيزٍ مقامه
بين الشعوب بفضلك الواسع التام
حطيت لك في كل قمة علامه
وقامت ترفرف لك فخر كل الاعلام
فعلك بخد الخير والجود شامه
بالبذل والوقفات حطمت الارقام
منك نتعلم كيف معنى الشهامه
وياكيف نبني المجد والوقت هدام
ياعز قلبٍ كايد الحظ ضامه
لاجاء وهو منضام ماراح منضام
رسمت في وجه الحزين ابتسامه
ياملجأ المسكين يا أب الايتام
قلبٍ تعشق الجود منصى وهامه
للمنغبن وقت العناء سيف وحزام
أنت ،الوفاء بالخير ، ذروة سنامه
العز يلبس سيرتك تاج ووسام
الله يديمك يا نديم الزعامه
تبقى فخر للشعب يا عز الاسلام