اللغز

كان اللغز مطروحا من الشاعر صالح البشري من الرياض والذي يقول:
انشد اللي يفهم اللغز المكيف
وخص من له في سما الألغاز خبره
ويش ضيف لا يشاف ولا يُضيًَف
وان لفى شال المعزب دون نبره
والرمعات الصحيحة :
حل لغزك جا بوقت ما يصيف
ملك للموت ما اخطى يوم سبره
علي الرشيد - رياض الخبراء
جاك حل اللغز للغز المكيف
حل لغزك ملك الموت ونخبره
محمد بن عبدالرحمن أبو دحيم - البدائع
أشهد ان الآدمي جدا ضعيف
لو تفرعن جاه ملك الموت عبره
أحمد بن ناصر المحرج - الرياض
اشهد ان الموت ماهو بالخفيف
ينقل الانسان من بيته لقبره
فهد بن صمدان البشري
كم قوي وكم عزيز وكم ضعيف
جاه موته من مكانه لين قبره
حمد عبدالله الوايلي - حوطة سدير
صح موت لايشاف ولا يضيف
لا لفى احدن تعقبه دمعه وعبّره
محمد سليمان العجلان - الرياض
كان جاه الموت ماهو بالخفيف
كل حي كان جاه الموت عبره
خلف بن عايد السّحوم - بريده
هادم اللذات في صوره عفّيف
مورد من حَل موته وسط قبره
عبدالله عبدالعزيز القديري - العطار
الموت حق ولالفى ما هو مصيف
كم واحد ذاقه ويا قو صبره
خليف فهيد الحربي - الرياض
لغز الأسبوع
كتبه للصفحة الشاعر سعود غازي الحمدان من حايل ويقول:
أنشدك عن بنت مجمع بناتي
تكونن من فعل رجل عنيفي
والبنت غامر في هواها الدهاتي
لا لا ولا تقبل برجل ضعيفي
رابع وثاني حرف وأول ثباتي
ابن ن غدت امه بيوم كسيفي
نستقبل الحلول على البريد الإلكتروني
rb-khozama@alriyadh.com
وذلك خلال أربعة أيام من نشر اللغز.