يادار عزك عز وأمجادك أمجاد

وتاريخك التاريخ وسعودك سعود
من عهد ابو تركي ألى عهد الاحفاد
والعدل له سيف على الظلم مجرود
أمن ورخا وايامنا كلها أعياد
وافراحنا في زود والخير في زود
على سفوح المجد ثبتنا الاوتاد
وافعالنا دايم على اقوالنا شهود
مع كل مولد نور للحلم ميلاد
وايماننا بعزومنا ماله حدود
يوم الدول تحكم ضحيّة وجلاد
حنا حكمنا الشرع والامن مشهود
وان جاء نهار فيه للحزم ميعاد
ارقي سنود .. وكلنا لاجلك جنود
دون الوطن نرسي كما ترسي الاطواد
والحزم والهيبة قديحه وبارود
نقوم من دونك جماعات وافراد
وارواحنا للنصر والرفعة وقود
في ظل سلمانك حكيم امة الضاد
اللي بحكمة رايه النصر معقود
ابو فهد ياجعل تفداه الاوغاد
رجل السياسة وان ضرب عود في عود
اكرم به الله شعب ولدارنا جاد
وعلى العروبة كلها الحازم الطود
و ولي عهده مهلك كل من حاد
عن منهج اهل العزم والحزم والجود
له سطوة تلجم مروجة الاحقاد
واله مع الهيبة مواثيق وعهود
نجم تجلى بالمفاخر والامجاد
وعليه مستقبلك يا دار معقود