ما عشقتك صدق والله صدقيني ما عشقتك غير من شان القصايد وكل ما قلته عن اشواق وحنيني في زمان فات ما هو بالوكايد قالوا الشاعر مشاعر ما تبيني غير مع نسج الخيال بشخص قايد ويوم شفتك قلت فرصة تلهميني ورحت اغني فيك واشيل النشايد غرك اني قلت لك يا نور عيني تحسبين اسمك على صدري قلايد اعرفيني كان ودك تعرفيني والحقيقة قولها ما به نقايد كلها واحد تجيني ما تجيني ما احترق قلبي على حبك وقايد صح حلوة بس ما انتي تعجبيني والحلا موجود مع غيرك وسايد ما بغيت اخذ لك يومك تسأليني كسرة الخاطر ما هي ليه عوايد يوم قمتي في سؤالك تحرجيني قلت حبك جرع القلب الشدايد عاد صرتي يا غريرة تهجريني ظنك اني من سبب فرقاك بايد ابعدي ولا اقربي بس افهميني قربتك عندي سوى هي والبعايد اصلاً اصلاً ما عشقتك صدقيني ما عشقتك غير من شان القصايد سلامة العنزي سكاكا الجوف
