شفته لحظة يوم عيد

والله أني تارك كل القصيد
بس رجعني حبيبي للعنا
يوم شفته لحظة في يوم عيد
ذكرتني ماضي قنّا فنا
من سلك درب الهواء لازم يعيد
(ألوضيحي) عقب حجه مهتنا
شافله زول مع العالم فريد
قال خلوني تراء يومي دنا
وصابني يا ناس ما صاب (ألعويد)
يوم شاف الزين في ساحة منا
عقب شوفه صابني جرح جديد
يوم شفت الجيد والجسم أنثنا
مقدر أصبر لو قلبي من حديد
القمر بخدودها يوضي سنا
كلمتني بالإشارة من بعيد
كلمة محد فهمها غير أنا
قالت أنت وش جرالك يالعنيد
ليش من ذيك السنه ما زرتنا
قلت مبغي هرجة الحاسد تزيد
وأنت عارف يا حبيبي وضعنا
والله أني عارف أني ما استفيد
كود أنا والليل والسهر أخدنا
مير هاذي سنة الله في العبيد
من زمان الجاهليه لاهنا