سلمان الوفاء والعداله

ياالله يا المعبود يا عالي الشان
يا معتلي بالعرش ياذا الجلاله
تحفظ ملكنا سيد القوم سلمان
واحفظ وطنا وأهلها في ظلاله
واخوانه الشجعان ذربين الأيمان
آل السعود أهل الوفا والجماله
واجعل هل التوحيد في عز وأمان
واجعل صعيبات النوازل سهاله
والحمد لله دايما الخير هتان
ما دام سلمان الوفاء والعداله
رجل المواهب صايب الراي ميزان
محيط تفكيره كبير مجاله
يقراء كتابا ما وضع فيه عنوان
ولا شال هم الكون لو هو لحاله
حكيم حكاما مضو شأنهم شأن
بعد النظر والفهم ربي عطا له
ذهنه تفوق فوق صافين الأذهان
كل الصعايب حلّها في خياله
سلمان سلمان السعد وين ماكان
من ضامته دنياه عنها لجاله
هذا الوطن يبغاه من فوق الأوطان
من كف شيخاً ما يبيها جماله
أمر بتصنيعاً على كل الأوزان
تاصل جنوب الكون وأيضاً شماله
وأوجد سلاح يرهب أنسٍ وشيطان
من فكره الصايب وصنعة رجاله
مكتوب بسم الله والله رحمن
كل العداء تخضع ليا جا مجاله
يفخر وطنا والفخر في كحيلان
مجهود رائع بين فكره وماله
غير الأمور الكايده صنع الإنسان
وهموم شعبه شالها وارتكاله
خلى دوام الشعب راضي وفرحان
أمن وأمان وكل واحد بحاله
الله يجازي سيدي خير واحسان
ويجزل له الحسنات في كل حاله