صوت الصورة

لعبه قديمه كانت ألعاب الأطفال
فيها وناسه مع بساطه وترفيه
يالعبة الطمره ترى ساسك حبال
والشاطر اللي ما يعثره ويخطيه
عدّوا عليها يا سليلين الابطال
كم مرّةٍ دارت على الحبل تعليه
في جرهدٍ خالي.. ولافيه منزال
وعضيدها جالس على الارض تغليه
حمد عبدالله الوايلي - حوطة سدير
الحبلة اللي تنلعب فوق ذا الطعس
واحد بيطمر والحبل بين شخصين
واللي يطيح وبالغلط يديه تلمس
يطلع ويلعب واحدٍ من ذا الاثنين
سعود عبدالعزيز الهزاع - نعام
يزين لي مكشات والأرض مرباع
مع الحبايب والرفاقه والاقراب
في جلسةٍ فيها حسينين الأطباع
ويرتاح بالي بحضرة أقراب وأصحاب
وتحلى لنا اللعبات بالفن وإبداع
بجوٍ يسر القلب ما يشوبه عتاب
محمد عبدالعزيز الخنيفر - أشيقر
حبل الرجا ممدود ما بين ثنتين
تمدّه الأولى .. والأخرى تتله
لعبه قديمه يا زمن وينها وين
وقت الطفوله نلعب الوقت كله
واليوم لعباتٍ بساحة ميادين
ملعب رياضي منظره ما تمله
خالد ناصر المخيمر - روضة سدير
البرد قفّا وجانا الصيف
والكل جدّع خلاقينه
الجو يحلى ويحلى الكيف
مع غيبت الشمس يا زينه
عبدالكريم عبدالرحمن السلّوم – القرائن
يا حلوها لعبة الحبله
في البر للبنت لو ساعه
بنات حلوات في حفله
واللبس بخنق ودرّاعه
من فاز لازم نصفق له
ونقول يا حلوها ساعه
عبدالعزيز الصالح - القصب
ألعاب في الماضي حقيقة تسلي
بين الشجر نلعب ولابيننا صياح
الحبلة رياضة.. وكلٍ يهلي
رياضةٍ للجسم والهمّ ينزاح
جواً لطيف .. وبين أهلك وأهلي
ونبدأ اللعب من طلعة الفجر إلى لاح
ما هيب إيبادٍ ولعبٍ نملّي
بين اللياقة والرشاقة بنرتاح
عثمان إبراهيم الرشيد - الرياض
يا حلو الطلعه بالجو البديع
بوسط ريضانٍ تسر الناظرين
وما أحسن الجلسه في وسط الربيع
والسوالف بيننا بجوٍ حسين
والولد يسمع وللوالد مطيع
ويبدي هروجٍ تسر الحاضرين
ريان محمد الخنيفر - الرياض
يا حلوها ألعاب وقت الطفوله
فيها البساطه مع تسامح بلا جدال
الكل يلعب جولةٍ بعد جوله
يا زينها لعبة .. تناسب للأطفال
بشائر القحطاني
صورة العدد السابق