خله خويك لاكبر مابه إحراج

يبو الولد يا عايش بهم وازعاج
خذ هالنصيحه كان تسمح قناعتك
إحذر ولدك لغيرك اليوم يحتاج
وفر له المطلوب فوق استطاعتك
وخله خويك لاكبر ما به إحراج
يزود بره وايتفاخر إبطاعتك
حذراك سجنه يخدعونه بالافراج
يغره اللي عوضه عن مجاعتك
وافهم ترى طيبك معه درع وإعلاج
عن الردا كان المقادير لاعتك
حتى ترده عن خطر درب منعاج
وأفعال شرن حرمتها مناعتك
مدحك نجاته لاوقع وسط الأمواج
لو رافق الواطين يرقا برفاعتك
ونصح ن سمعبه منك في ضامره لاج
لاقلت له عند الموادع وداعتك
ويلقى بها بعسر المساليك مخراج
دنياه لاضاقت لجا في وساعتك
ولا غير رب البيت لهدايته ناج
عسى إتوافق رحمة الرب ساعتك
كانه صلح يصبح له الدين منهاج
وان شذ تاه ولا تفيده شفاعتك