كان بيت الأسبوع الماضي لمعد الزاوية حول محاربة الفساد والابلاغ عن خونة الوطن الذين ينهبون خيراته وماتت غيرتهم الوطنية وانعدم لديهم الانتماء وهذا البيت بمناسبة اليوم الدولي لمكافحة الفساد ومشاركة هذه الزاوية الاجتماعية في توعية الجمهور ضد الفساد واضراره ومخاطره وتعزيز قيم النزاهة داخل المجتمع باعتبار ان الفساد ارهاب يغطيه موت الضمير والبيت يقول: ترى الفساد ارهاب له جملة اضرار وموت الضمير مترجم بالخيانه وكان صدى البيت من الشعراء: درب النقاء واضح ولا حوله أخطار ما في الامانة شي اسمه ميانة" من غشنا ماله ترى عندنا دار هذا وطنا عاشقين كيانه" المفسد المجرم ترى ضمن الاشرار لا خوف من رب ولا له ديانة وشلون يلحق بالمشاريع الاضرار قبل النهاية يبتدي بالصيانة" حطّ النزاهه نصب عينك لك شعار الدين علمنا وبيَن بيانه عثمان ابراهيم الرشيد - الرياض إن ما تكاتفنا وغرنا على الدار واللي يضايقنا نوضح بيانه ترى المشاكل تنتشر سر وجهار الى توانينا تقل الامانه عصر الفساد بحد ذاته له اثآر اثآر سلبية ومعها خيانة تساعدوا واقضوا على كل الأفكار اللي تخالف نهجنا والديانه علي رشيد الرشيد-رياض الخبراء الدَّار تبغى فزعةٍ من هل الدار شدُّوا على المفسد عديم الأمانه لا نلتمس له جملة أسباب وأعذار في المجتمع لابد يلقى إهانه يفضح وتنشر سيرته عبر الأخبار مع صورته يشْهَر ويتْلَى بيانه هذا الوطن ما فيه عيشٍ لغدار وما فيه للخاين مكان وحصانه السَّدِّ في مأرب سبب طيحته فأر ومن باق بأهله لا تعدِّه ضمانه ناصر بن جمعان آل عوض - وادي الدواسر ما عاد فيه اخلاص في بعض الاشرار منا وفينا ولا له الا الإهانة هذي خيانة كلها عار في عار ومن خان دينه ناقص بالديانة ودرب الفساد اليوم أصبح له شعار وهذا دليل عن عديم الأمانة محمد بن عبد العزيز الخنيفر - أشيقر والله يكافي من عمل كل الاشرار اللي على الزلات فيهم فطانه كيف استباحو حق في عدة امرار والدين انذر من يخون الامانه لافي سعادة ولا مع الناس الابرار واضح ترى شره تبين مكانه وتكفون يالربع الفطينين الاحرار تجنبوا درب الزلل والاهانه حمد عبدالله الوايلي - حوطة سدير خير الوطن باقي ترى الخير مدرار الدين ساسه والعقيده حصانه حكامه الحكام وافين الاشبار دستوره القران والعدل صانه نبي النزاهه بالوطن طول الاعمار ونحارب المفسد وراع الخيانه تكاتفوا ياربعنا كبار وصغار لأجل الوطن والمال يبقى أمانه عبد المحسن المحيسن - رياض الخبراء صدقت يا مشرف على بيت الاشعار يارب صف قلوب منهم بطانه مسلك وصخ دنيا يعمي له ابصار بايع ضميره ما يولى امانة ما ينتخب في خزنة غير الاخيار ولا خفيف اليد ماهو تكانة سعود بن عبدالعزيز الهزاع - نعام اقسمت بلي عالمن غيب الا اسرار ان الوطن هو الامانه وامانه اللي يخونه عل مثواه للنار الله يخون اللي ابدنياه خانه بعض العرب مسكين وتفره افكار مغرور والمغرور غره زمانه سعد صنهات السهلي- الدرعية ساد الفساد وصار له حزب ووكار وغاب الضمير وضيَّعت الأمانه في كل يوم الصحف تكشف لنا أسرار عن مجرمين مواطنين وعماله بس الوطن منجب لنا أشراف وحرار في كشفهم زادوا ذكاء وفطانه ما قصَر الوالي تخيَّر لنا أبرار ونشا ( نزاهه ) قو درع وحَصَانه عبداللطيف الحُمَيَّانِي - عنيزة وكم مفسد في دارنا اليوم غدار هذا ومثيله ماشي بالخيانة وهذي نفوس خاينة تفسد الدار ليت برقابة صارمة مع إدانة ريان محمد الخنيفر - اشيقر بيت الاسبوع يكتبه اليوم عثمان ابراهيم الرشيد من الرياض حول اخطار السيول ومدى مايصاحبها من عدم اكتراث وتهور صبياني وعدم مبالاة بخطورته ويقول: احذر من الاخطار واحذر من السيل كم واحدٍ وداه درب المنية" نستقبل صدى هذا البيت بأربعة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ومن الشعراء بطرح بيت الاسبوع حول اي موضوع ..
