كان بيت الأسبوع الماضي حول مقترح الاخ حمود الزغيبي من الرياض وهو حماية المعلم من اعتداء الطلاب للشاعر على الزولاني الفيفي من بيشة الذي يقول: اناشد المسؤول عبر الخزامى يجود في منح المعلم حصانه وكان صدى البيت من الشعراء: قم للمعلم وفه الاحتراما قاله امير اهل الشعر في زمانه وامير شعر اليوم بالدور قاما استبشروا يوم ان شال الامانة وأكّد على هذا بأول كلاما وقال المعلم له قدر مع حصانه الله يعينه لجل حفظ المقاما لمعلم ياما لقا من اهانة عبدالعزيز الصالح - حائل شبابنا تكفون شّدّوا الحزاما واللي نبي التقدير وإيضا الإعانة هذا المعلم زاح عنك الظلاما عرفت دربك مع حسين الديانة أنتم شباب اليوم نعم الكراما وراعي السلوم الطيبة له مكانه محمد عبدالعزيز الخنيفر - أشيقر مني تحية للخزامى وسلامى اعداد ما شال المدرس امانة ومن بعدها الضر قام يتنامى على المدرس وكم طالب اهانه الامن والشرطة وجوده تمامى مع الوزارة لازمٍ له مكانه سعود بن عبدالعزيز الهزاع - نعام مسكين حاله دايم ما يلاما مع زود حمله شاف مر الاهانه يكد عمره معتم في ظلاما مطلوب ما يقصر ولو في حنانه ﻻ فيه ﻻ هيبه وﻻ من سلاما وطول اربعين العام ماشي مكانه حمد عبدالله الوايلي - حوطة سدير ترا المعلم دايم(ن) له مقاما للعلم ولأجل العلم يطلق لسانه فضله عظيم مخلص باهتماما هذي سلوم أهل الوفا والأمانة يا طالب للعلم منك احتراما ثم قابله باللطف وخل الإهانة ريان محمد الخنيفر - الرياض مناهج التعليم يابن الكرامى تضبط جميع اللي نطق به لسانه وياللي بيدك الامر شد الحزامى واعط المعلم واجبه في مكانه وسيروا على خطه رسول السلامى هو قدوة الأمه بحفظ الأمانه عبدالله بن ثمر الودعاني بيت الأسبوع الاسبوع الماضي اقترحنا ان يكون موضوع البيت اختياريا وبيت هذا الأسبوع لمعد الزاوية حول بر الوالدين ويقول: اخفض جناحك ذل للوالديني ترى الجزا جنس العمل والعقايب نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس (4871070/ 011)
