بيت وصدى

كان بيت الأسبوع الماضي للشاعر عبد المحسن المحيسن من رياض الخبراء الذي يقول:
المنظر الخلاب يجذب هوى النفس
والخايع الممطور يبهج خضاره
وكان صدى البيت من الشعراء:
يازينها لاجيت في روضة الخفس
في صحبة اللي ماتحسب الخساره
مابينهم لاانذال مابينهم طفس
اهل الوفا والطيب اهل النعاره
عبدالكريم ابن خزيم - البكيرية
يا محلا المكشات مع طلعة الشمس
مع شلة فيها حياة ونماره
اركب على فكس آر والا على الجمس
خليك مع الديان فيك الجسارة
انهض قبل لا تآصل الساعه الخمس
جهز معاميلك وكثر بهاره
علي رشيد الرشيد/رياض الخبراء
وين انت ياطارق لنا حضر الجمس
نبي مع البران جولة زياره
كانك تحب البر لا تحبس النفس
شاهد صحاري نجد زاهي خضاره
نبي سعة الصدر يبري عن العمس
ونغير الروتين جو الحضاره
مساعد رباح الرشيدي /الرياض
البر يبري لوعة اليوم والامس0
ويطفي لهيب القلب من زود ناره"
لا صارت غيوم يجي بينها شمس0
وبراً قفار مانفض لك غباره"
إرّك الدلال واحمس البن لك حمس0
وفل الحجاج ومتعه بالنّظّارة"
عثمان ابراهيم الرشيد0 الرياض
السيل له فرحه ونكهه به اﻻنس
وكلن ليا جاء السيل يبدا مساره
وﻻجاء نهار الخير كلٍ توجس
يبي الربيه ويتجه يم دياره
وتلقى اكثر العربان دايم تكدس
وسط الرياض اللي يسرك مزاره
محمد عبد العزيز الخنيفر - أشيقر
في واديٍ مخضر ومسانده طقس
يجلي هموم اللي براسه كدارة
نابت من الوسمي ما طقته شمس
صفار ورده مختلط مع حماره
لي جاء الهوى كن المنابت تهامس
والريح منها مصدرٍ للعطارة
سعود بن عبدالعزيز الهزاع - نعام
يازين جوالبر في وقت ادمس
جون طبيعي ماش برد وحراره
في خبتن وحدودها حمر وطعس
يازين منزالك برأس الزباره
هذي وناسه قلت ذي كيف مع ونس
مانيب اغبط الي وزير الوزاره
سعد صنهات السهلي
جاك الربيع يامدورٍ جلسة الأُنس
وسط فياض خضرته به نضاره
أزاهرها ألوان مختلفة الجنس
مع أُقحوانٍ فائقٍ في صفاره
الشكر لله خالق الجن والإنس
محيي رُفاتٍ بعد طال اندثاره
عبداللطيف الحُمَيَّانِي / عنيزة
يسعد عيونك وينشرح خاطر عمس
لاشفت جو نازح بعد داره
ماداج فيه الماشيه وسايل امس
وخوة نشاما ترد علم بخباره
مافيهم اللي يكدر البال و النفس
اطلع توكل واحذر من الخطاره
حمد عبدالله الوايلي/حوطة سدير
الناس ﻻجاء السيل دايم تحسس
ﻻ جل الربيع افواج هذا شعاره
بليل ونهار دايمن له تلمس
وكلن يسير دروب حسب اختياره
ﻻجاء المطر كل العرب به تونس
تمشي على الوديان باحلى زياره
ريان محمد الخنيفر - الرياض
بيت الاسبوع
يكتبه اليوم معد الزاوية عادي بن رجا بن رمال الشمري حول محاربة الفساد والابلاغ عن خونة الوطن الذين ينهبون خيراته وماتت غيرتهم الوطنية وانعدم لديهم الانتماء وهذا البيت بمناسبة اليوم الدولي لمكافحة الفساد ومشاركة هذه الزاوية الاجتماعية في توعية الجمهور ضد الفساد واضراره ومخاطره وتعزيز قيم النزاهة داخل المجتمع باعتبار ان الفساد ارهاب يغطيه موت الضمير والبيت يقول:
ترى الفساد ارهاب له جملة اضرار
وموت الضمير مترجم بالخيانه
نستقبل صدى هذا البيت بأربعة أبيات فقط تدور حول هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
كما يسرنا مشاركة القراء بموضوع البيت ومن الشعراء بطرح بيت الاسبوع حول اي موضوع ..