مبروك يا عبدالعزيز النيابة

أهدي هذه القصيدة إلى صاحب السمو الملكي الأمير عبدالعزيز بن سعد بن عبدالعزيز بمناسبة تعيينه نائباً لأمير منطقة حائل :
مبروك يا عبدالعزيز النيابة
يا مير ما نتم بالجزيرة مناصيب
أنتم ملكتوها بعزم وصلابة
يوم النجايب والسيوف المحاديب
نطلب لك اللي يستجيب الإجابة
الخالق اللي يعلم الجهر والغيب
الواحد اللي لأنو الخير جابه
وليا منع شي بلا سباب ما جيب
يهديك لراي الرشيد وصوابه
حيثك من اللي ينطحون المواجيب
حرن نواله مرقب واعتلابه
حام وتعلى نايفات المراقيب
من ماكرٍ بالغيم قمة هضابه
ما هو غريب طيبكم يا هل الطيب
ومن لادرك بالطولات بأول شبابه
تصعب ليا خيم على رأسه الشيب
أحد يعيش بطيب رأيه وأدابه
واحلو يبيها بالمواجيب وتغيب
كان أقبلت يا زين صوت الربابه
وإن دبرت ظاقت تهامه على الذيب
منصبك به طولات وأحسب حسابه
ما دامت الدنيا لقارون وشعيب
أحلم عن الجاهل وضايع جوابه
يمكن يبيها كلمة العقل وتعيب
ويجزاك رب الكائنات بثوابه
في ما قف ما ينفعون الأصاحيب
أنتم شيوخٍ تجبرون الأصابة
ضل وذرانا عن سموم الواهيب
وترى حلاة السيف قطيت نصابه
بالبر غاسق والبحر به شواذيب
وصلاة ربي عد وابل سحابه
وأعداد وقت تطلع الشمس وتغيب