يكتبها: قصاد

بيت وبيت

كل ضلع (بقلب الود) طاح إمتثني
ضيدان المريخي
أعتقد كان الأريا البيض ما خالفتني
إن الاضلاع برّى القلب لوصح ظني!!
***
قال أنت سبة بلاي وقلت له داري
قال الصراحة سوات العذر مملوحه
خالد البقمي
دام أنت داري ورى ما تحاول تداري
تدري برجعتك قبل تقرر الروحه
***
إقر سيرة قتيلين الهوى تلقى بها دستور
بعدها شوف وش حجم المحبة بينك وبيني
عبيد الأزمع
ووش عاد العلاقة بين (ليلى وقيس) والمذكور
إذا ما يعتبر ياكود فيهم ربك يعيني
***
لو يقول إني أنا اللي كنت بادي بالخطية
قل هي اللي تعدت حدها لحظة غضبها
حامد زيد
ولو يقولون الوزن قدره وقوة شاعرية
قل لهم بالبيت هذا صادف أوزاني عطبها
***
آه من ضيقٍ ليا نامت عيون الناس جاني
وانتصب بين الضلوع وقام يعزف سامريه
(عويد المطرفي)
أنت ياللي ضيقتك لا ضقت تعزف لك أغاني
غيرك اليا ضاق يشعر نار وسط الجوف حيه
***
لي صاحبٍ منّه تبي تطلع الروح
خبلٍ ومن هي مولعه فيه خبله
عابرة سبيل
لاصار خبل وخبله وقلب مجروح
الله يعين الحب واللي تعب له