صور من الصحراء

شيخ وفارس وشاعر قال قصائده من واقع تجارب وصوّر مكابدة المعارك في شعره البطولي والحماسي وتضرع إلى الله في تلك القصائد التاريخية وهذه وقفة مع بعض قصائد هذا الفارس:
بديت بذكر الله ومن بات ساهر
من عبرة نصدر بيح مكنونها
من عبرةٍ كنيها تفرك الحشا
كما كحل بكر في يدي شاغلينها
وفي الكبد كداد تعومس بها الدوا
عمس الطبيب أوجعت ناقلينها
دنياك لو رادتك يوم بطربه
صفق ماي بقعالين تملا فرينها
تجدد مكاويها على الغيظ والرضا
ولا تعذرنا ولا عاذرينها
كم خير يجلى الصدا غطه البلا
تضحك له الدنيا وتخفي رطينها
انا حالف لابيعها بيع مرخص
كما حشت ايتام حضر مستدينها
حرج محرجها وجاها زبونها
على سملها البالي حريص ضمينها
سوى مهرة قبا وسيف مجرب
وشلفا لطامة العدا محتسينها
ومناسف يعدا بها كل ساعة
بامر الولي يلقونها محترينها
ومن صنع بغداد بدلال نظايف
وثلاث حاجات لها معتبينها
رسم لعطران الشوارب على القسا
واللي يروي حربته من مكينها
واللي معه مال ولا أدّى مواجبه
لعل ماله جشت وارثينها
فهو مثل الديك يذن ولا سجد
منافعه لغيره ونفسه يهينها
انا هاض ما بي تالي الليل بكره
في ليلة الجمعة تزايد حنينها
تشب السعاير في الضماير وتعتلي
كما هش قصبٍ بالظوا مولعينها
يا قلب هون واطرد الهم بالنجم
الافراج من عند الولي مرتجينها
طلبت من يمنع ولا منه مانع
إلهي وباقي اسبابهم عايفينها
التزمنا بحبل الواحد المولى الصمد
إلى خف رعيب القلب واقفى ذهينها
الفتال من قبل الأمور الحوادث
تنقض لوالب قالة فاتلينها
إلى صرت الأقلام ماسر من حكى
كود على طلابةٍ طالبينها
وصلُّوا على خير البرايا محمد
وقوموا بتقوى الله وتقويم دينها
وله مفتخراً:
نومك طرب والا فنومي هواجيس
ولا يسهر بالليل كثر الحلومي
اسهر الى نامت عيون الهداريس
وبالليل اسامر سايرات النجومي
اوجس بقلبي مثل صلى المحاميس
الله يلوم اللي لمثلي يلومي
قالوا جهلت قلت جهل بلا قيس
الجاهل اللي ما يعرف العلوم
من ياخذ الدنيا برايه بلا قيس
مثل الذي في جوف بحر يعومي
فيلا ركبنا عالجات المضاريس
سلق الامهار وكل قبا قحومي
عقب التنازي بالنشامى كراديس
والطير في مسنا دهنه يحومي
عرج وهن بالكون مثل الجرانيس
على الطريج مصوبرات كصومي
وشلف تركز بالعروق النواعيس
تبرد على كبدي لهيب السمومي
بايمان صبيان تدور النواميس
الا من الادنين وأقصى اللحومي
عندي لهم بن دلال متاريس
إلى راح شراب المشايش يحومي
نقصر لها الحمسه وخمس التجانيس
براية يعمل بها كل يومي
ودلال تعبا للنشامى محابيس
واكرامها فرض علينا لزومي
حفى القلم من كثر كتب القراطيس
وركابنا من كثر الادلاج تومي
ما ينبني بيت يا ناس من غير تأسيس
ومن لا تعلم ما تفيد العلومي
ومن لا يقلط شذرة السيف والكيس
يازي عليه من الليالي ثلومي
ومن لا يدوس الراي من قبل ماديس
عليه داسوه العيال القرومي