جريت صوتي بين روس اللحاليح من واهج بين الضلوع يحداني صوت الصدى خلاني اقوم واطيح كنت احسبنه صوت خل دعاني يا اللي سكنت القلب من دون تصريح اثرك بنيت بجوف صدري مباني نبرات صوتك في وصالك مشاحيح قل لي وانا باقول ربي عطاني وإن كان خليت الظماير مجاريح باصبر على ما صابني في زماني لو تبعد فحنا بعاد المشاويح والجدي ما قارب سهيل اليماني كل القلوب تحب والها مفاتيح والحب في قلبي يجر السواني ما هوب حب الجاهلين المشافيح اللي تناظر دايماً للطماني لا صار حبك غامض دون توظيح مثل الكلام اللي بليا معاني خلك على ممشاك والسر ما بيح يا كيف اطيعك وانت كنت تعصاني لو السفن تجري على كيفها الريح كل الدقايق عودت للثواني
