*حائل - حمد الغصوني و خالد الفهاد: ضمن فعاليات مهرجان حائل 27 ووسط حضور جماهيري كبير أقيمت مساء الجمعة الماضية أمسية شعرية ضمن مهرجان الشعر الخليجي الثاني والذي يقام تزامناً لمهرجان (حائل يا طيب ملقاكم) وكان فرسان الأمسية الشعراء عبدالله بن راجس من السعودية ومطلق النومسي وفالح محمد بن قشعم من الكويت وبدأ عريف الأمسية الأستاذ يوسف محمد من البحرين بالتعريف بفرسانها وقال بأن نجوم الأمسية هذا المساء شعراء فوق العادة فالشاعر عبدالله بن راجس من بيت شعراء ويكفي الشاعر مطلق النومسي بأن جمهوره أطلق عليه لقب (أمير الشعراء ) أما الشاعر فالح بن قشعم فقال عنه إنه شاعر قادم للساحة بقوة ليطلق بعد ذلك فرسان الأمسية العنان لقصائدهم التي لاقت استحسان الحضور وصفق لها كثيراً . ومن قصائد عبدالله بن راجس في الأمسية والله غريبه كيف تصغر بعيني هذا هو اللي ماحسبنا له احساب خليتك اكبر من بقايا سنيني وظنيت فيك ولكن الظن بك خاب كنت احسب انك ماتفارق يديني حتى لو سنين العمر صارت اسراب أول بعطفك والغلا تحتويني وتضمني مابين جفنك والاهداب ان غبت تسهر ليلتك تحتريني واليا تضايق خاطري منه تنصاب *** اضحك على شاني وخل الضيقه لاهيب لامنك ولا انتب منها شين يكدر خاطرك ماطيقه الاعمار يادنياي من يضمنها وحلمٍ حلمته ليه انا مافيقه وامشي على خير الدروب ايمنها واليمه الي جيتها توهيقه انا اتحمل ضعفها واسمنها *** للمرجله ساس ومقام وحشيمه وللطيب عنوان ومواثيق واجناس والصاحب الي مايميز نديمه ياخذ على الغفله مثل صفعة الراس لكن عسااااها في حياته يتيمه ويصير في نظراته اخماس واسداس مرتني اسمى للمراجل لزيمه في وقت اهلها للمشاكيل مقياس اسمى ارجالِ فالمواقف عظيمه ترفع لها مجلاس وتحط مجلاس *** يمكن تمر السنه ماشافتك عيني لاصار منتب حريص اللي بقى خلّه جاني من الهم لجلك مايكفيني والذكريات الجميله عودت علّه أول متى مابغيت اشوفك تجيني واليوم لاعاد لاجيه ولاطلّه شمسك حبيبي تنورلي وتدفيني ذبحت عبدالله ارحم حال عبدالله *** خذيتني تذكار واقفيت تذكار وانا احسب اني في حياتك بدايه جيتك غلا ومن الغلا لجلك اغار واحسب وفاك انه يشابه وفايه اسامرك واهديك من نظم الاشعار وخطاك معتبره واعده خطايه اتعبتني واشغلت فكري بالفكار واصبح رضاك الي على القلب غايه *** اما مطلق النومسي فأمتع الجمهور بقصائد رائعة منها ضحاله بالفكر .. والطرح مزري .. والنقاش أضحل على أنقاض التخلّف .. والحياة الابتدائية وأنا أسمع صوت مع آخر صدى الصدمة يقول إرحل قبل لا تحتويك من الندم نزعه عدائية وصلني .. بعد ماروّت دموعه .. صدري الممحل وصلني وانتحر .. فوق النفوس الانطوائية وتركني بين تأنيب الضمير ... وجرحي المبحل ودورات الزمن .. حسب الخطوط الإستوائية ولاهي ( غلطتي ) حذّرت .. قبل الشر يستفحل ولكن قابلوني .. بالعبارات الهجائية *** يا عين حزنك حي .. وأفراحك جماد إبني على خدي دموعك .. بيت .. بيت أبا أبكي .. أبا أبكي .. أبا أبكي .. باجتهاد وأبا أبكي .. أبا أبكي .. بحرقه .. ما حييت لو البكا ماهو مبلغني .. مراد بس إن صدري يتّسع لامن بكيت وأنا على صدري يمين الجرح .. جاد جودة غصب رضيت وإلا مارضيت أحيان أبشّر جرح قلبي بالضماد وأحيان أزيده جرح .. لامني صحيت صحيت في يوم الأحد .. تال العياد وليا النحيب .. وهاه حي ؟؟ لا. لا.. ميت منهو ؟ وكيف ؟ وليه ؟ مدري ؟ والوكاد ؟ إني بغيت أقوم .. لكن ماقويت *** ضحكي بيديك .. ودمعتي .. برضو.. نواصيها بيديك تقدر تضحّكني وتبكيني ..وتلحق مشتهاك الله عطاك .. وسلّمك أمري .. وأمري محتويك احفظ حقوقي .. وإلطف بحالى .. بعد ما الله عطاك العفو عند المقدرة .. والعدل شيمة والديك هنا آ تفّرق منك .. وهناك اجتمع .. وآذوب فيك والخوف جايز . من هنا .. والموت حتمي من هناك وأكبر دليل إني .. ليا حاولت .. يوم أزعل عليك لقيت قلبي كل ما يزعل .. يدوّر عن رضاك *** أكذب بيوت الشعر بيت اللي يقول ما الحبّ (إلا للحبيب الأوّلي) وأكبر دليل إنك معي (أربع فصول) وألغيت كل النااااااس (ياريحة iiهلي) ألغيتهم وأنا أحسب إن مالي ميول إلا ( لأول حب) بالقلب الخلي بس إنت ماخليت للماضي قبول وعلمتني بالحب مقدار جهلي وسميت باسم الله عليك من (النضول) واللي يهدم البير من فوق الدلي *** يا فاتنة مطلق .. ولا عليك أمر تقرّبي .. وأدني من العذق خرزه أبا أنظمك مسباح .. من عذق التمر صعبة ! أنا أدري بس أبا أصنع معجزه يا معجزة عمري .. وتبسيطك عمر أستبسطه .. وأعيش به .. وأستعجزه لقيت بك بيض .. المراويح السمر وفقدت بك .. فوح السموم المفرزه وأخذت بك .. جود الهبايب للجمر ودفعت بك ... بخل السنين المعوزه *** حاولت أصدّقها دموع التماسيح وأشرح لها معنى ضبيح الحناجر وحاولت أشيلك عن عيون المشافيح وأقول هاجر يا أطرق العود هاجر وحاولت أقرّب لك خشوع التسابيح والتوبه اللى عانقت قلب فاجر وحاولت أجمّع لك شتات المسابيح وطغى الفقير ليا تحوّل لتاجر وحاولت أوصّف لك قلوب المجاريح وعلاقه الدمعه بيأس المحاجر وحاولت أحس أنى على منبع السيح ولقيتك أول من يحب المشاجر للشر .. تعطينى اشاره . وتلميح وللخير .. تصبح يا هوى البال زاجر *** أما الشاعر فالح بن قشعم فقدم عدداً من روائعه ومنها : الضيقه الليّ ضيقّة صدري وأنا ما أنيّ بضيق كنيتها من خوف صدري لايبيّن ضيقها تدوي بصدري وأتحملها وأنا ماأني بطيق لوّ كان صدري ساحةٍ يصعب عليّ تطويقها هبيّ عليّ يانسمة الغربي وعديني طويق ماالله عطاني نفس ضيقات الصدور تعيقها أنا طموحاتي ماتقارن بالمحيط وبالمضيق وعلى مجرات النجوم يعزنيّ تحليقها أماّ نهد الصعب ونحقق لغايتنا طريق والاّ بلاش أنتعب أنفسنا على تحقيقها *** أنا مافرا صدري وخلاّ الهموم أدوج سوى النايف وصوته على جرّ منكوسه تحرّك على الصوت الطواري وتصبح فوج تسيطر وخطتّها على القلب مدروسه برى الحال يامطلق وانا بين فوج وموج اجامل والى جاء الصدق ياخوك في حوسه علي بالطلاق انيّ فلا ابديت ما فالعوج سوى لك لحيثك تدهل القلب وتروسه *** تسرقين الباب قلبي لب لب وأنسجم في همسة أعذوبة هواك مابعد حبّك ياملح الذوق حب لبى والله قلبك ولبى غلاك أنتي أنتي أنتي أنتي توب توب الاّ خلطة عود في جوهر ملاك جلسةٍ وياك في كافيه شوب عندي ابدى من هذاه ومن هذاك *** ماالله خلقني للظنون الليّ مسامرها هوان بأموت ياخديّ ماعنزتك على راحة يدي لوّ كان حزني في زوايا القلب ماخذ له مكان والدمع يحرمني ملذّة مايحلّ لمرقدي لابارك الله فالهبوب الليّ تغانمني عشان؟ أبيح شيٍ لو عرضته للعرب طاح جهدي لكنّ هبيّ دام راسي له مع أهل الشان شان أعصير توّه منتهي والليل توّه مبتدي أبكرب أحزامي وأعصب الراس وأعن الحصان وبهد ليلٍ شرّد أطعونه على البيد أتعدي *** لاعاد .. تنشد من أعلومي يامسعود مابه جديد وجعل نفسي إمجاره طال الطويل وكل شيٍ له حدود واللي نبي يابعد داري وداره لامال فيّ أعصير وأنقادت النود وقبل المغيب إيفل باقي أستاره سجيت رجلي شرق شارع( اجوررود ) للفيضه الليّ في طرفها زباره ماعسّها اللي مشغله مرتع الذود ولا أقنصوها مهتوين الصقاره *** ياوجودي مابقى لي على الفرقا عزوم والطواري تفلج الصدر .. والمخرج ملي أتسلى وأحسبني عن الضيق معصوم وأثرأني مبلي ويالله تعين المبتلي كل ماصكيت باب الطواري والهموم تعترض لي ضيقة أعصير وتغير علي حزة فيها الطواري على راسي تحوم لين تنقاد لعمسها الضلوع النحلي الحزن خلا العزايم من العاقل تشوم وجعل ماللحزن والي ولا لأسمه ولي ماتضيق وعاد للحمل رجال يقوم ومايحس بلوعة الحزن والغربه خلي من الأمسية -حضور كبير ومشابه للأمسيات السابقة وذلك لشعبية الشعراء المشاركين -عريف الأمسية قال بأنه سيبدأ الأمسية بالشاعر (بن راجس) لكونه أكبر شعراء الأمسية سناً . -توجه بعد نهاية الأمسية عدد غفير من الحضور إلى الشعراء للسلام عليهم. -قام الأستاذ مشاري المشاري رئيس اللجنة المنظمة للمهرجان بعد نهاية الأمسية بتسليم دروع تذكارية للشعراء
