صدق الود

روح القصيد إحساس وشعور وشجون
في كل نفس تحتويه وحملها
أصغر معانيه بعيده عن الهون
واكبر معانيه فخر من وصلها
ومشاعر فيها أصدق الود مكنون
اختارت المعنى الصريح وقبلها
هذا وما تحويه معنى ومضمون
مشاعر لأغلى المشاعر نقلها
يبقى الوفا للي مع الوقت يافون
أهل القلوب الصافية في عملها
وذاك الغلا اللي طول الأيام مصيون
في وسط روحٍ بالمعزة نزلها
وعلى الوفا تكبر معانيه ويكون
هو غاية الروح الجريحة وأملها
والصبر خير ومالك الملك والكون
عنده تصاريف الليالي واجلها