مرحباً يا خادم البيتين

يا صقر العروبه
القصيم استبشرت بزيارتك وأنور سماها
مرحبا ما لاح براق الحيا وهلت انصوبه
وعد ما اخضر وادي مسني وما ذعذع هواها
باسم أمير المنطقة مع نائبه يوم التقوبه
ساعة فيها القلوب المخلصة تعلن وفاها
مرحباً بالقائد اللي كل شعبه رحبوبه
باسم أهالي المنطقة وشيوخها مع أوجهاها
وعن قبيلة حرب أرحب فيك من نفسٍ طروبه
بالنيابة عن جميع أفرادها وعن أومراها
وعن أهالي إقبه عموم وعن جميع اللي اسكنوبه
كلنا في شوفتك يا قائد الشعب انتباها
شوفتك مثل الحيا بالأرض للي ربعوبه
والله إن شوفك ربيع اقلوبنا غاية امناها
حاكم عادل بشعبه والتسامح من أسلوبه
ومكرمات من يمين الجود ما يحصى عطاها
مكرماتك من يمين الجود ما هي بمحسوبه
جعلها بميزان حسناتك يضاعف لك جزاها
يا زعيم الشعب يا رمز العطا نهر العذوبه
يا عسا عمرك طويل وشوفتك يسعد مساها
يا عسا عمرك طويل بجاه من يعلم اغيوبه
يحفظك من كل سوء الا هنا عالم خفاها
يا مبدد ضيقة المحتاج يا مفرج اكروبه
لا وقف قدمك نسى لهموم دنياه وشقاها
يا ذرانا عن سموم القيظ وعن حامي لهوبه
يا حكيم الرأي يا وجه السعد قاهر اعداها
وعضدك الأيمن له التقدير والشكر بوجوبه
أبو خالد فزعة المحتاج واكفوفه ملاها
فزعته تجلا هموم اللي لفا من البعد صوبه
دايم يضحك حجاجه والمواقيف احتماها
يا عيال اللي زرع مبدأ العداله في شعوبه
أخو نوره دولة التوحيد بجهوده بناها
قصة يفخر بها تاريخنا واللي حكوبه
ترفع الراس السعودي كل ما منه قراها
وحد ابلاده عقب ذيك القلاقل مع احروبه
ومن فضل ربي وثم فضله معيشتنا برضاها
يا عساه بجنة الفردوس تغفر له اذنوبه
مسكنه في جنة الفردوس بأعلى مستواها
ويا عسى ما قدمه للشعب له أجر ومثوبه
من كريم رحمته كل الأوادم في رجاها
وبأمركم حنا جنودن للوطن ونسد نوبه
حافظين للعهود الأوله ما حدن نساها
ما يطع امثور الفتنه وناس غروروبه
المخرب نردعه في ضربة يسمع صداها
صف واحد ضد من خانوا وطنهم واغدروبه
ولقيادتنا جنودن مخلصه نعلم ولاها