شنوف بن جاسم الهرشاني

شاعر الأسبوع

الشاعر المعروف شنوف بن جاسم الهرشاني من الشعراء الشعبيين البارزين، له قصائد متنوعة ويغلب على أشعاره طابع الحكمة وقصائد المناسبات وله قصائد غزلية كثيرة.. شاعر أبدع في صياغة القصيدة، وله العديد من المساجلات مع كبار الشعراء.. قام بتقديم العديد من البرامج الشعبية في إذاعة دولة الكويت.. إليكم مقتطفات من أشعار هذا الشاعر.
نبدأ بقصيدة قالها يمتدح فيها حكامنا الكرام، نذكر منها قوله:
عيال عبد العزيز امزبن الجالي
ريف الركايب اليا جنه عقب سيره
يا الله عساكم بخير وعزكم دايم
في جاه رب ابيده الخير والخيره
ومن قصيدة جمعت الكثير من المعاني المفيدة نختار منها قوله:
كم من صغير عرف غايات مصلحته
وكم من كبير وعقله فيه نقصاني
فكرت وامعنت بالدنيا وما فيها
ولقيتها فانية واللي بها فاني
ولا دايم الا جليل الملك سبحانه
اللي ليا راد شي كونه كاني
يا سامع القول صغلي واستمع مني
عساك تفهم كلام جاك وكداني
ترى النصايح تفهم قلب سامعها
ياخذ بها عبرة لا صار فهماني
من لا فهم لو تزيد القول وتكرر
تطوفه السالفه من غير وعياني
ومن قصيدة ينصح فيها ابنه جاسم نختار منها قوله:
يا جاسم اسمع ما طرا لي وابعطيك
قولٍ يطيب لسامعه لا عدمناك
قولٍ يقوله من يعزك ويغليك
عساك تسمع ما طرا لي وما جاك
إلى أن قال فيها:
رافق رفيقٍ باللوازم يشافيك
حرٍ اليا ضاقت ايورد ضماياك
حر مثل شرواك لا خاب راجيك
تنصاه في وقت الشدايد وينصاك
وحشم جناب الصاحب اللي مخاويك
وانهض وقم في واجبه يوم خاواك
وان جاك من حده شقى الوقت ناصيك
ابذل له الجهده بمالك ويمناك
شي على ما قيل ما هوب غاويك
تدري ويدري به من الناس شرواك
وادمح خطأ جارك ولو كان يذيك
تراه وصابه من العرش مولاك
واحرص على مالك ولاني موصيك
إلا بما جوبه ولا هو بيخفاك
مالٍ عن العازات والناس مكفيك
ومغنيك عن شحذة هذولا وذولاك
حقوق الوالدين كثيرة ذكرها الله - عزّ وجلّ - في كتابه العزيز.. شاعرنا تحدث عن أهمية هذه الحقوق في الأبيات الآتية:
عسى الله يجازي من جزا والده بالخير
عساه بفرح دايم وعسى آخرته الجنه
ترى الوالدين الهم علينا حقوق غير
حقوق شرعها الله الكل البشر سنه
تحاموا عليك ابجد يا صاح وانت صغير
ويقولون يوفينا اليا من كمل سنه
فويّاك فيهم بالمواصل عن التقصير
وترى اللي يجيبن الليالي يودنه
ومن قصيدة يرثي فيها شاعرنا.. الشعر.. نذكر منها قوله:
الشعر أشوفه تدانى وانكسر سوقه
من يوم كل غزاه وحطه أو ساقه
غزاه من لا عرف معناه وحقوقه
بيت استعاره وبيت جابه اسراقه
ارثيه لا من سمعت وشفت طاروقه
اما كسر عاتقه والا كسر ساقه
الشعر ودك لا ديب يفهم طروقه
غرايب افكار فكره تعشق اعشاقه
اليا تلكم أيعجبك زين منطوقه
واليا تغزل بنات أفكاره أدقاقه
شعره يبل الضمير وخافي اعروقه
أسوات زادٍ تغدا به على فاقه
ومن قصائد شاعرنا الغزلية نختار قوله:
هب الجنوب بريح من راح وانزاح
وزاد وجدي يوم شميت ريحه
من يوم غاب وراح عني فلا ارتاح
بالي ولا نفسي بعد مستريحه
ومن قصيدة غزلية أخرى نختار قوله:
يا مشتقي في غرامي وانت مشقيني
اتعبت فكرك وفكري فيك متعبني
لقيت ما في فيك وفيك ما فيني
خافي غرام جذبك وفيك يجذبني
احب وتحب تزعلني وترضيني
وازعلك وارضيك معجب بي وتعجبني
ومن قصيدة (الوداع) نختار قوله:
حان الوداع وكل شي له أسباب
سبة ظروف عن هواي امنعتها
واقفيت عنه وخاطري منه ما طاب
واقفت وهي يمي تعوج ارقبتها
تبي توادعني بتسليم واعتاب
مير الظروف اللي حدتني حدتها
نتمنى لشاعرنا التوفيق.. وإلى اللقاء مع شاعر آخر..
وتقبلوا تحياتي.
زهران عون الله المطيري