يا هاجسي

البرق يبرق والرعد جاوب البرق
والغيمة الزرقاء تساقط مطرها
والصبح بان وبانت الشمس من شرق
والعين ما نامت وطول سهرها
طاروق اجيبه واشعل القاف في طرق
بالوزن والمعنا وحتى بحرها
يا هاجسي والشعر عندي وله فرق
فرق النجوم العاليه عن قمرها
ما همني من قال شعرك من السرق
بنشوف والأيام تكشف قدرها
أنا احمد الله احرق قلوبهم حرق
ببياتي اللي قاطفن من ثمرها
لو اقطعوا عرقي لقوا داخل العرق
قصايد من دم قلبي نثرها
وانا احمد الله عد ما ناحت الورق
اللي عطاني موهبة وافتخرها