لا والله اللي ودعت نجد ضرغام

يوم الاثنين الصبح جانا نبأ هام
موت الزعيم اللي يفوق الزعاما
تناقلت موته محطات الاعلام
بالصوت والصوره جنوبٍ وشاما
الشرق هو والغرب ذاعوه بشمام
الله يبيحك يا رفيع المقاما
الخلق تفنيه الليالي والايام
الباقي الحي العزيز السلاما
الباقي الله والبشر دوم ما دام
ما فيه مخلوقٍ على الكون داما
لا والله اللي ودّعت نجد ضرغام
صميدعٍ توصف عليه النشاما
فهد فهد بطل العروبه والاسلام
فهد فهد والا الاسامي تساما
فهد فهد سم العدا عوق الاخصام
درع الوطن بالمعضلات الجساما
المملكه بقيادته عزها قام
تمت مشاريع البناء واستقاما
تقدمت في قمة المجد قدّام
مدنٍ تضاهي ناطحات الغماما
مكه وطيبه حققت كل الاحلام
فن البناء مع توسعاتٍ تقاما
تطور البنيان عامٍ با ثر عام
حتى غدت مثل زهور الخزاما
وطباعة المصحف على خير ما يرام
مطابعٍ تطبع وخيرٍ تناما
للخلد يا غيث الأرامل والأيتام
لعل طوبى لك مقر ومقاما
جنة نعيم تحتوي كل الانعام
تجري بها الانهار دوم الدواما
والعهد بعدك للميامين بلزام
إنا على عهد الجدود والقداما
حنا لحكام الوطن سور وحزام
طول الدهر مثل وثيق اللحاما
ما دام عبدالله وسلطان خدّام
حنا بعون الله رفيعين هاما
عيال نصر الدين يوم السعد قام
عبدالعزيز اللي به العز قاما
ما مثلهم يا طا على الأرض حكّام
من خلقت الدنيا بكل الاناما
العادلين المستقيمين الأكرام
بالعرف والمعروف راس السناما
حمود بن محمد الفريدي الحربي