شهيد الواجب

هذه أبيات في رثاء شهيد الواجب (رايد بن عبيد الرخيمي) - رحمه الله - الذي استشهد ليلة الأحد 29 - 2 - 1436ه.
سبحان من له هل الايمان
تصدق وتخلص عقيدتهم
سبحانه الباقي المنان
والناس ما تدوم عيشتهم
ما به مخلد من انس وجان
والناس للموت سكتهم
والأرض واللي عليها فان
وأعمارهم في صحيفتهم
من دون زود ولا نقصان
لاجا الأجل جت منيتهم
ولو به خلود لأي إِنسان
ما غيب الموت سادتهم
مات اشرف الخلق من عدنان
وأفضل عبيده وقدوتهم
يا الله تجبر عزى (المطران)
(برايد) وتجبر مصيبتهم
مع ربعنا نحمل الاحزان
بقلوبنا من معزتهم
ودام القدر (يابو نايف) كان
بزين الشباب وفقيدتهم
عليك بالصبر يا بليهان
وصبر الرجاجيل قوتهم
واهل الصبر هم هل الاحسان
بالخلد تعلو مكانتهم
ومطير من ماضي الازمان
الصبر والجود شيمتهم
ربع لهم بالوفا ميدان
والناس تعرف جلادتهم
و(رايد) ليا عدوا الشجعان
اسمه يلوح بطليعتهم
(رايد) له المر جله عنوان
وشهم النشاما بفزعتهم
شهيد باذن الله الرحمن
مع انبيانا وصحابتهم
شهيد في جنته فرحان
مع أهل بدرٍ بجنتهم
واللي غدر فيه شره بان
واهل الردى الغدر عادتهم
اهل الغدر قادهم شيطان
وحانت وقربت بليتهم
وبختامها هاضت الاشجان
وبينت لربعي محبتهم
وعز يتهم بأفضل الشبان
(رايد) وشديت همتهم