أغلى وطن

نوره علينا مشرق في الليالي
الشعب كله للوطن درع وجنود
نفداه حنا من بنات ورجالي
خير على أرضه عم حاسد ومحسود
غلاه فينا ما وصل كل غالي
الطيب منه وفيه مازال موجود
ارواحنا تفداه في كل حالي
حنا ورثنا العز من ماضي أجدود
اللي على الطولات رقوا كل عالي
ما هزنا فعل يجي فيه منقود
ناس تبي التخريب بين الأهالي
ما همها دين وشعب ومردود
طاعة هوى الشيطان يا شين الفعالي
زمرة شياطين روبوا مالهم قود
يشوهون الدين بالي يقالي
حنا مع الدولة ترى أيامنا السود
غيمة بصيف وتنتهي للزوالي
ورا القيادة والولا ما له حدود
اللي لهم في كل طيب مجالي
حكامنا اللي تسمع الطفل والعود
يعزهم رب عليه اتكالي
خلوفه محمد الياسين/ قوة أمن السفارات بشرطة الرياض