حالة نهاية

يا زين احبك حب ماله نهايه
حب على وضح النقا والخبر جاك
غلا وقصة حب وايضا روايه
ايو الله احبك ودور على رضاك
انته عديل الروح وانته هوايه
انسا جميع الناس لكن منساك
الله عطاك من الجمال الكفايه
جميل في شكلك وطبعك وممشاك
لك راية تطلع على كل رايه
راية جمال الحسن في كف يمناك
انت ازين الى يلبسون العبايه
ومن لامني يا زين ياجعله فداك
ليتك تطالع صورتك في المرايه
سبحان منهو يريش العين سواك
سواك لين اصبحت للحسن ايه
سواك منهو بمره يدير الافلاك
سحرتني يا ماهر في الرمايه
الموت من نظرتك والسحر في شفاك
يا زين حبك صار عندي هوايه
ما غير افكر فيك وجيب ذكراك
يا زين حبك صار مقصد وغايه
ياليتني وياك وعيش وياك
اصبحت في بحر من الشوق تايه
غريق في بحر المحبه والاهلاك
باقي شوي ادخل لقسم العنايه
الي يبي يودعك وشلون يلقاك
لا قولك ذنبي ولا هو خطايه
لا تقول زود الشوق جابك ووداك
دونك حرس بيبان عسكر حمايه
وش لون اجيك الله يحفظك ويرعاك
هذي بدايه قصتي والنهايه
هذي علومي كلها والخبر جاك