ترضى بأحد إنه يعاكس خواتك

الإنترنت تلك الشبكة التي يستخدمها البعض للمجون والرذيلة.. أتى الشعر ناصحا عما فيه من الرذائل حاثا على الأخلاق العالية خصوصا عما يحدث في الشاشة:
لو نفترض صابك وبى النت وادمنت
واشغلك (شاتك) عن أدى واجباتك
كم طاعة لله فيها تهاونت
كم فرض في الجامع خسرته وفاتك
كم غرك الشيطان واخطيت واذعنت
وارخصت له في غفلة منك ذاتك
دنياك هذي لو نظرت وتمعنت
فيها ترى ما تنفع إلا صلاتك
بنصحك وانت اسمع نصيحتي لاهنت
من دون ذكر الله وش هي حياتك
سبّح وهلّل واذكر اللي به آمنت
واستغفره واسأله دايم ثباتك
واشكره لولا فضل ربك لما كنت
أصلا عرفت (النت) ولا كان جاتك
وفي النت لو ظللت بعقول كم بنت
عز الله إنك ما بلغت أمنياتك!
تدرك مدى كبر الخطأ لو تيقنت؟
ترضى بأحد إنه يعاكس خواتك
محد على الفعل الردي قايل أحسنت
ومحد يخاف الله. يسوي سواتك
على دروب الطيب لو ما تمكنت
تمشي عدل.. كف غيرك إمغامراتك
ومهما استبعدت العقاب وتطمنت
لا بُد ما تلقى جزاء سيئاتك
أقولها وبعالي الصوت لو إنت
عاقل انقذ نفسك وفُق سباتك