جوّال الميدان

مجول : العلوم يا حبيب أخوه؟
جوال : أبشرك أمطار خير وبركة وأخوك معسكر من البارح بالجنادرية.
مجول : عساك كسبت والا وزنت؟
جوال : حصاني جا سادس؟
مجول : الله يعين هذا المركز عليكم يا أهل الخيل وهذا عذر للي ما يدخل الميدان؟
جوال : يا مهبول السادس ها الأيام يزبن بعد ظهور البلعات واللي ما تمر على التحليل؟
مجول : عن الغلط يا جوال عاد مهبول؟
جوال : يا خوي هبالك هبال ثاني ولا يهون الشاعر اللي قال هبال طيب ولا صحاحة رخامة!!
مجول : الا ما تقولي السباق ليه خلوه يوم الخميس؟
جوال : يقولون تجربة اليومين؟
مجول : ت.ه.ق. أ. ه!!
جوال : وعلوم أهل الجنادرية؟
مجول : مبتلشين بغثى (موسم الشبا).
جوال : الله يقرب البعيد؟
مجول : البعيد قريب لكن وش تقول بقي اللي لا هو قريب ولا هو بعيد.
جوال : أجل ما لهم الا بتقاطون في فحل والا فحلين!
مجول : قروب ون الا قروب تو؟
جوال : يحظك بقلبك اللي نازلن بين شحومك الربع دوبهم يصارفون خيلهم وانت تدور القروبات.
مجول : بالهبيل القروبات شيوخنا واصعد سنود ياحمر العين.
جوال : وعلوم الترشيحات الليلة!
مجول : يقولون ليلها بيضاوي!
جوال : ترشيحات منطقية.
مجول : توقع يسوكرنها أشبال الأبيض!